13 Ona ‘ai‘aila to bubuna paruparu ‘i da lotuputupu ‘amu esana ‘ena: To tooro paruparu matamuia si da miamia.
To paruparu ‘ena ‘u da gwae, ‘i da mia bobo‘ana: ‘idi bubuna uanega si da ‘e‘ai ta ‘enega.
Iawasi‐‘arena ‘ina ‘eda ‘u da e‘itagu: Matamuia guausoara maibo‘ana ‘i miami; ‘Ataimuia ‘ebeguausoara ‘ena si mia ataia.
Ieoba ‘i paruparuna ta ‘enega; bubuna paruparuna ‘i nuanuana: To tooro paruparu maninina si da ‘itena.
‘Omi ‘imi bubuna paruparuna, Ieoba ‘ena wa da guausoara; Ta ‘ana esana tabu ‘ena wa da lokagutoki.
‘Imu nuanua ‘enega ‘u da nuganegu, Ta muriega esaesa ‘ena ‘u da ‘au‘ewegu.
Ieoba ‘ena wa da guausoara, ta wa da ‘uiawana, ‘Omi ‘imi bubuna paruparuna: Ta guausoara manuna wa da bwau, iauiaumi wa tooro ‘ai‘aila ‘atemia.
‘Ai‘aila bubuna bobo‘ana ta ‘atenua‘ole‘ole si da muriegu iawasigu ‘ana asiata iauiauna ‘ediega: Ta Ieoba ‘ina anua ‘ena ia da mia ‘ataia.
Lulugu iauiauna si da gwae, Ieoba, iaita ‘oio nadigega, Tauio gomabeso u ‘etoseena tauna ‘enega manuna ‘i ewaiwai wawasae, Tamo, gomabeso ta tomia nanaewa tauna i ‘oaena ‘enega?