Salamo 138:3 - Buki Tabu Lowaenei 1919

³ Asiata ‘ena ia bwau ‘eguia ‘u onalimana, Waiwaiega ‘u lemegu iaruiaruagu ‘enaia.

Salamo 138:3 Referans Kwoze

Salamo 18:6

‘Igu ‘ate‘uia‘uia ‘enega ia bwau Ieoba ‘enaia, Ta ‘igu Eaubada ‘ena ia bwau: ‘Ina anua‐tabuiega ‘enagu ‘i nonona, Ta ‘igu bwau matanaia tenana ‘ena ‘i rugu.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 63:8

Iaruiaruagu ‘i muria serabemuia: Ataio ‘i gietoorogu.

Salamo 28:7

Ieoba tauna ‘igu waiwai ta ‘igu lawa; ‘Ategu ni‘atu ‘ena i ‘emisa, ta leme ia ‘ewena: Ta ‘enega ‘ategu ‘i guausoara sinabwana; Ta ‘igu wariega ia da tupuna.

Isaia 65:24

Ta gete ‘i da apwesa, ‘idi bwau nuganinaia, ia da onalimana, ta tuta ‘enega si onaona, ia da nono.

Salamo 34:7

Ieoba ‘ina anelose taudi si matautena ‘i mia sakowasiedi, Ta i ‘etoseedi.