Salamo 135:13 - Buki Tabu Lowaenei 1919

¹³ Ieoba ie, ‘amu esana ‘i mia ‘ataia; Ieoba ie, ‘amu ‘ebenua‘i‘isi epata tomota iauiauna ‘edia.

Salamo 135:13 Referans Kwoze

Salamo 102:12

Ta ‘oio, Ieoba ie, ‘u da mia ‘ataia; Ta ‘amu ‘ebenua‘i‘isi ga epata tomota iauiauna ‘edia.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Salamo 8:9

Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia!

Salamo 102:21

Be ‘enega tai Ieoba ‘ana esana si da simana Siona ‘ena, Ta ‘ana tuputupu Ierusalema ‘ena;

Salamo 89:1

Ieoba ‘ina nua‘ole‘oleao manudi ia da wari ‘ataia: ‘Awaguiega ‘imu bubuna ‘ai‘aila ia da e‘ita epata tomota iauiauna ‘edia.

Salamo 8:1

Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia! Tauio ‘imu esaesa ni‘atu ‘u sa‘u tu ‘e garewaia.

Salamo 102:13

‘U da tooro, ta Siona ‘ena ‘u da ‘atenua‘ole‘ole: Ni‘atu ‘ana tuta ‘u da ‘atenua‘ole‘oleiena ta ‘enega, tamo, ‘ana tuta ‘ai‘aila ni‘atu ‘i mai.