Salamo 131:2 - Buki Tabu Lowaenei 1919

² Ona ‘ai‘aila iaruiaruagu ia gieemwa‘uleiena ta ia gienonona; ‘Atua goama gagigagina sinana ma‘ieana, Iaruiaruagu ma‘ieagu ‘a miami ‘atua goama gagigagina.

Salamo 131:2 Referans Kwoze

Salamo 43:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta ‘enega, Tauna maninigu ‘ina ‘ebebobo‘ana, ta ‘igu Eaubada.

Salamo 42:11

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna, Tauna maninigu ‘ina ‘ebebobo‘ana, ta ‘igu Eaubada.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Salamo 62:1

Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

Salamo 42:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta‘enega Maninina ‘ana ‘ebebobo‘ana manuna.