Salamo 129:5 - Buki Tabu Lowaenei 1919

⁵ Iauiaudi Siona si guitoasena, Si da omaiamaia ta si da ‘ilawa.

Salamo 129:5 Referans Kwoze

Isaia 37:35

‘Asa gete ia da lemena ta ‘enega be ia da ‘etoseena, taugu manuna, ta ‘igu to‐guinua Dabida manuna.

Salamo 71:13

Taudi iaruiaruagu ‘ana tarauwarao si da omaiamaia ta si da egumwarena; Taudi ‘igu elo‘uia si ‘ebe‘ebesa ba‘e ta ‘ebesinara si da bodedi.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Esiteri 6:13

Ta Amana iage iauiauna ‘ena si apweapwesa mwanena Seresa ta gosenao iauiaudi ‘edia i ‘esimanedi. Ga ‘ina to‐sinasinapuiao ta mwanena Seresa ‘ena si ona, ‘Abo Modekai, tauna matanaia ni‘atu ‘u enugana be ‘u bebe‘u, ‘abo tauna me Iuda ‘idi susu ‘enega gea‘abo sa‘i ‘ena ‘u da ewaiwai, ta matanaia ‘u da be‘u.

Isaia 37:22

Ta ‘enega gete ona nina tauna Ieoba ‘i gwae leleana: Siona natuna mewainena nuaebora ‘i sinariio ta ‘i edagiemu sabi tuiea; Ierusalema natuna me wainena ‘i lonepanepa ‘emuia.

Salamo 122:6

Ierusalema ‘ina miaguguia manuna wa da sidasida: Taudi si obobomeio si da mia bobo‘ana.

Esiteri 9:5

Ta me Iuda ‘adi tarauwarao iauiaudi si unudi sisi‐saia ‘ina unuega, ta esilaeiega ta saoorega, ta taudi nuadi ‘i to‘uto‘umali ‘edia to‘ase nai si nuanuana ‘edia si guinua.

Salamo 40:15

Taudi ‘eguia si gwae, Ee, Ee, Si da mia waborebore ‘adi omaiamaia manuna.

Isaia 29:8

Ta ‘i da nadigega ‘ena tai botabotanina ‘i madawara, ta, wa ‘ita, i ‘e‘ai; ta ‘i tooro, ta iaruiaruana ‘i kakaena: nai nadigega tai tonaana ‘i iapasa ‘i madawara, ta, wa ‘ita, ‘i numanuma; ta ‘i tooro, ta, wa ‘ita, ‘i emwaromwaroa, ta iaruiaruana ‘aene ‘i da numa; nadigega ‘i da apwesa ‘ebeloina iauiauna ‘adi iau ‘edia, taudi si saia ‘oea Siona ‘enaia.