Salamo 126:2 - Buki Tabu Lowaenei 1919

² Ga ‘awada si maa ‘edagiega, Ta meiada wariega. Ga si gwae ‘ebeloinao gamwagamwanidia, Ieoba ni‘atu iage sinabwadi ‘i guinuedi manudi.

Salamo 126:2 Referans Kwoze

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Salamo 71:19

Eaubada ie, ‘imu bubuna paruparuna wate ‘i mia tu‘e wawasae; Ni‘atu iage sinabwadi ‘u guinuedi, Eaubada ie, iaita ‘oio nadigega?

Salamo 53:6

Iseraela ‘ana ‘etoseana Sionega ‘i apwesama eguma! ‘Ena Eaubada ‘ina tomota ‘idi miaionaiona i ‘ilenama, Ga Iakobo ‘i da guausoara, ta Iseraela ‘i da uiawana.

Salamo 51:14

Rara ‘ana to‘umalina ‘enega ‘u da ‘etoseegu, Eaubada ie, ‘oio ‘agu ‘etoseana ‘ina Eaubada; Ta meiagu ‘imu bubuna paruparuna manuna ‘i da wari toila.

Salamo 14:7

‘Eguma Iseraela ‘ina ‘etoseana Sionega ‘i da apwesama! ‘Ena Ieoba ‘ina tomota ‘idi miaioniionina ‘i da ‘ilenama, Ga Iakobo ‘i da guausoara, ta Iseraela ‘i da uiawana.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.