Salamo 12:2 - Buki Tabu Lowaenei 1919

² ‘Ebweuna ‘e bweuna gosiana ma‘ieana si ona besobeso: Sopa tupu kabokabo ‘enega, ta ‘ate giruadi ‘enega, si onaona.

Salamo 12:2 Referans Kwoze

Salamo 41:6

Ta ‘abo ‘i mai sabi ‘itegu, ‘i onaona besobeso; ‘Atena bubuna bokobokona ‘i egogonena taunamo ‘enaia; ‘Ena ‘i tautauia dadana, ‘i simasimane.

Salamo 144:8

Taudi ‘awadi iage besobeso si oneone, Ta ‘ataidi ona kabokabo ‘ataina.

Salamo 10:7

‘Awana ‘i maa eliega be, kabo be, didiga be: Meiana ‘agaraunaia wasegigi ta bubuna bokobokona si miami.

Salamo 5:9

Nigea ‘e bweu iage ‘ai‘aila ‘awadi ‘ena ta ‘enega; ‘Atedi to ‘umalina ‘arena: Magadi ‘ari‘ari ‘egegena; Meiadi si gienonokwaikwaina.

Salamo 28:3

Gea‘abo ‘u da lisi separegu to to‘umalidi ma‘edi, Ta bubuna bokobokona ‘ina toguinuao ma‘edi; Taudi guguia si oneone gosediao ma‘ediao, Ta wasegigi ‘atedi ‘edia ‘i miami.

Salamo 144:11

‘U da li‘amigu, ta ‘u da ‘etoseegu to‘u‘umara nimadiega, Taudi ‘awadi iage besobeso si oneone, Ta ‘ataidi onakabokabo ‘ataina.

Salamo 62:4

Si wasegiginamo be ‘ina bobo‘ai‘ailinega si da ‘ausepara mwa‘utena; Ona kabokabo ‘idi ‘ebe‘eguausoara: ‘Awadiega si onaoboboma, ta ‘atediega si elia. (Sela.)

Salamo 55:21

‘Awana ‘i newanewa bata ‘atua, Ta ‘atena ‘i losaia: ‘Ina ona si nua wawasae bunama ‘enaia, Ta si ‘esisi‐saiao lisi‐lolodi.

Salamo 59:12

‘Awadi ‘ina loegesi, ta sopadi ‘idi ona manudi, ‘Idi gagasa ‘enega si da giiaidi, Ta elia ta onakabokabo si oneone manudi.

Salamo 38:12

Taudi wate iawasigu si ‘ebese sikwa si sa‘udi; Ta taudi ‘agu elo‘uia si ‘ebese iage wasegigi si oneone, Ta bubuna kabokabo si nuedi asiata miabo‘ana.

Salamo 116:11

‘Igu lomaniniega ia gwae, Tai iauiaudi to ona kabokaboiao.