Salamo 119:43 - Buki Tabu Lowaenei 1919

⁴³ Ona ‘ai‘aila gea‘abo ‘u da ‘ewa maibo‘ana ‘awaguiega; ‘Imu etarao ‘edia ia nuaiai ta ‘enega.

Salamo 119:43 Referans Kwoze

Salamo 9:4

‘Oio ‘igu paruparuna, ta ‘igu etara ‘arena ‘u giepa‘ari; ‘Ebemi esaesa ‘ena ‘u miatoa ta ‘u loina paruparuna.

Salamo 119:175

Iaruiaruagu ‘i da bobo‘ana, ta ‘i da tupuio; Ta ‘imu etarao si da lemegu.

Salamo 119:52

Ieoba ie, ‘imu etarao lowaenei ia nua‘i‘isidi, Ta ia gieguausoarigu.

Salamo 119:13

‘Awaio ‘ina etara iauiaudi Sopagu ‘ediega ia simanedi.

Salamo 119:120

Esiogu ‘i dedera matausio manuna; Ta ‘imu etara manudi ia ‘atesa‘ara.

Salamo 50:16

Ta to‐to‘umalidi ‘edia Eaubada ‘i gwae, To‘ase ‘u da bubu be ‘igu loina tomwanao ‘u da simana, Ta ‘aene ‘igu ona‘upa‘upa ‘awaio ‘enega u ‘inana?

Salamo 43:1

Eaubada ie, ‘U da loinegu, ta manugu ‘U da etara ‘ebeloina nigea tapwaroro matanaia: Tai kabokabo ta nigea paruparuna ‘enega ‘u da ‘etoseegu.

Salamo 9:16

Ieoba ni‘atu ‘i e‘ita‘ena tauna, ni‘atu loina ‘i iagena: To to‘umalina tauna nimana ‘idi guinuao si sikwena. (Higaiona. Sela.)

Isaia 59:21

Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.

Salamo 119:74

Taudi si matautemu si da ‘itegu ta si da guausoara; ‘Imu ona ‘ena ni‘atu ia nuaiai ta ‘enega.

Salamo 119:81

Iaruiaruagu ‘i mwawamwawasa ‘imu ‘etoseana manuna: Ta ‘imu ona ‘ena ia nuaiai.

Salamo 119:114

‘Oio ‘igu esena ‘ebekwaia ta ‘igu lawa: ‘Imu ona ‘ena ia nuaiaina.

Salamo 119:147

Tomwa ‘i ulisi ia nuganena, ta ia bwau: ‘Imu ona ‘edia ia nuaiai.