Salamo 113:5 - Buki Tabu Lowaenei 1919

⁵ Iaita Ieoba ‘ida Eaubada nadigega, Tauna ‘ina ‘ebemia ‘etanaia,

Salamo 113:5 Referans Kwoze

Salamo 89:6

Iaita garewaia Ieoba ‘ena ta da ‘awanadigega ta ‘enega? Iaita toewaiwai natunao gamwagamwanidia Ieoba nadigega,

Isaia 40:25

‘Enega iaita ‘ena wa da ‘awanadigega‘egu, be ia da erererea ma‘ieana? To Tabu Tebweuna ‘i gwae.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Salamo 89:8

Ieoba ie, bodao ‘idi Ieoba, Iaita ‘i ewaiwai ‘oio nadigega, IAA ie? Ta ‘imu bubuna ‘ai‘aila ‘i mia sakowasiemu.

Isaia 40:18

‘Enega iaita Eaubada wa da ‘awanadigega‘ena? Nai to ma‘ama‘aiau wa da ‘ita‘esi‘esinua ma‘ieana?

Salamo 35:10

Lulugu iauiauna si da gwae, Ieoba, iaita ‘oio nadigega, Tauio gomabeso u ‘etoseena tauna ‘enega manuna ‘i ewaiwai wawasae, Tamo, gomabeso ta tomia nanaewa tauna i ‘oaena ‘enega?

Isaia 16:5

Ta ‘ebemi‐esaesa ‘i da mia pa‘ara ‘atenua‘ole‘ole ‘enaia, ta ‘e bweu ‘ena ‘i da miatoa ona‘ai‘ailega, Dabida ‘ina anuanaia ‘enaia; ‘i loiloina, ta etara i ‘ebe‘ebesa, ta ‘i lomanini sabi guinua bubuna paruparu.

Salamo 103:19

Ieoba ‘ina ‘ebemi esaesa ni‘atu ‘i sa‘u ‘ai‘ailina garewaia; Ta ‘ina ‘ebeloina iage iauiauna ‘i loinedi.

Salamo 11:4

Ieoba ‘ina anua tabu ‘ena ‘i miami, Ieoba, ‘ina ‘ebemi‐esaesa garewaia; Matana si ‘ita, ta mataiaraiarana si too tomota natunao.

Salamo 89:7

Eaubada to didiga sana taudi iaruiaruadi ‘esasena ‘idi deriegogona ‘enaia, Ta iauiaudi si mia sakowasiena tauna ‘ana matauta sinabwana?

Salamo 89:9

Ora ‘ina gagasa ‘u loinena: ‘Ena lisuna si lo‘oea‘oea, ‘u giemwa‘uleiedi.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.