1 Ieoba wa da tupuna. Tauna Ieoba ‘i matautena tauna ‘i bobo‘ana, Tauna ‘ina ona manudi ‘i guausoara sinabwana.
Tauna ‘e bweuna ‘e bweuna Ieoba ‘i amaiabena tauna ma‘ina guausoara, Tauna ‘ina ‘edao ‘ediega ‘i tautauia.
Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.
‘U da tauiegu ‘imu ona ‘idi ‘eda ‘enaia: ‘Ena ia guausoara ta ‘enega.
Taudi si matautena ‘idi nuena ‘i da gieapwesa ‘edia; ‘Idi bwau wate ‘i da nonona, ta ‘i da ‘etoseedi.
Ieoba ‘ana matauta tauna sinasinapu ‘ana nugana; Iauiaudi si guinuedi ‘aredi bobo‘ana: ‘Ana tuputupu ‘i mia ‘ataia.
‘Imu loina ia obobomena sinabwana! Tauna ‘igu ‘ebenuanua asiata maibo‘ana.
Ieoba wa da tupuna. Eaubada wa da tupuna ‘ina anua tabu ‘enaia: Wa da tupuna ‘ina waiwai ‘ina bwagabwaga ‘enaia.
Ieoba wa da tupuna; Wari tuputupu ‘ida Eaubada ‘ena ‘i bobo‘ana ta ‘enega: ‘Ana nono ‘i bobo‘ana ta ‘enega, ta tuputupu ‘ana ‘ita ‘i bobo‘ana.
Loniu ta elo‘uia ni‘atu si giiaigu: Ta ‘imu ona ‘igu ‘ebeguausoara.
Nua‘ai‘ailigu be ‘imu nuena ia da guinua, ‘igu Eaubada ie; Tamo, ‘imu loina ‘ategu soranaia ‘i miami.
‘Imu loina tomwanao ‘edia ia da gieguausoarigu: ‘Imu ona gea‘abo ia da nuapupurena.
‘Imu e‘itao ‘idi ‘eda ‘ena ia guausoara, Sinabwana nadigega oesi iauiaudi ‘edia.
Ieoba wa da tupuna. Ieoba ‘ena ia da lokagutoki ‘ategu maibo‘anega, Ta paruparuiao ‘idi deriegogona ‘enaia, ta boda tapwaroro ‘enaia.
Ta gete i ‘apwesa, iine to‐etubua Eaubada si matautena, ga anua i ‘abidi ‘edia.