Salamo 103:8 - Buki Tabu Lowaenei 1919

⁸ Ieoba ‘i maa nua‘ole‘oleiega ta nuana ‘i bobo‘ana, ‘I so‘iso‘i gamwasoara ‘enaia, ta nua‘ole‘oleiega ‘i sinabwa.

Salamo 103:8 Referans Kwoze

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Salamo 145:8

Ieoba ‘i oboboma, ta nua‘ole‘oleiega ‘i maa; ‘Ina gamwasoara ‘i so‘iso‘i, ta ma‘ina nua‘ole‘ole sinabwana.

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Iona 4:2

Ta Ieoba ‘ena i ‘awanoi, ta ‘i gwae, Ia sideio, Ieoba ie, gete nigea ‘igu ona nai, ‘ena ‘igu ‘asaia ia miami? Ta ‘enega ia dena manini Tasisa ‘enaia: ia mwaratoni ta ‘enega ‘aene ‘oio Eaubada oboboma, u ‘atenua‘ole‘ole wawasae, gamwasoara manuna ‘u so‘iso‘i, nua‘ole‘oleiega ‘u eiau, ta to‘umalina manuna nuaio i ‘ebunina.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Salamo 130:7

Iseraela ie, Ieoba ‘ena wa da nuaiaina; Nua‘ole‘ole Ieoba ma‘ieana ta ‘enega, Ta ma‘ieana ‘ewa‐limana sinabwana.

Salamo 31:20

Mataio iauiaukwana ‘ena ‘u da kwaiedi tai ‘ina wasegigi ‘ediega: ‘U da ‘ita‘i‘ita kwaiedi anua‐‘ebe‘eiauiaukwa ‘enaia meia si losaia ‘enega.