Salamo 102:28 - Buki Tabu Lowaenei 1919

²⁸ ‘Imu to guinuao natudiao si da miami, Ta tubudiao si da pa‘ara matamuia.

Salamo 102:28 Referans Kwoze

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.

Isaia 65:22

Gea‘abo si da ‘abi, ta mari tai ‘ena ‘i da miami; gea‘abo si da ‘aso, ta mari tai ‘i da ‘e‘ani: nadigega kaiwe ‘ina asiatao nadigega ‘igu tomota ‘idi asiatao ta ‘enega, ta ‘agu ‘esi‘esinuao nimadiao ‘idi guinua si da giiai dudurana.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Salamo 89:4

Tubumuao ia da giepa‘ara ‘ataedi, Ta ‘imu ‘ebemi esaesa ia da ‘abi tu‘eie ga epata tomota iauiauna ‘edia. (Sela.)

Isaia 41:4

Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 43:13

Tamo, asiata ‘i gimi apwesa ‘enega ‘Abo‘agu tauna; ta nigea ‘e bweu nimaguiega ‘i da ‘ewa‘ewa; ‘abo‘agu ia da guinua, ta iaita ‘i da ‘etobodena?