Salamo 102:1 - Buki Tabu Lowaenei 1919

¹ Ieoba ie, ‘igu sidasida ‘u da nono, Ta ‘igu bwau ‘i da wai ‘emuia.

Salamo 102:1 Referans Kwoze

Salamo 18:6

‘Igu ‘ate‘uia‘uia ‘enega ia bwau Ieoba ‘enaia, Ta ‘igu Eaubada ‘ena ia bwau: ‘Ina anua‐tabuiega ‘enagu ‘i nonona, Ta ‘igu bwau matanaia tenana ‘ena ‘i rugu.

Salamo 61:2

Bare‘u ‘ina ‘ebelosaroniega ia da bwau ‘emuia, ‘ena ‘ategu ‘i loemwawasi: Gurewa ‘i lo‘etanasinegu ‘ena ‘u da ‘au‘ewegu.

Salamo 39:12

Ieoba ie, ‘igu sidasida ‘u da nonona, ta ‘igu bwau ‘ena ‘u da sana‘ilama; Gea‘abo ‘u miamia emwa‘ule mataserugu ‘edia; ‘Abo‘agu to‘u‘umara ‘emuia ta ‘enega, To sugalagala, nadigega tamaguao iauiaudi.

Si Apwesa 2:23

Ta asiata iauna gotedi ‘ediega gete ‘i apwesa, Aigupito ‘ana king ‘i kwaia: ta Iseraela tubunao si eiawasilagalaga iona manuna, ta si bwaubwau, ta ‘idi bwau ‘i tu‘ema Eaubada ‘enaia iona manuna.

Salamo 143:7

Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Salamo 143:4

Ta ‘enega iaruiaruagu ‘i mwawamwawasa soraguia; ‘Ategu ‘i mwaumwau soraguia,

Salamo 5:2

‘Igu dedoi ‘enana ‘u da nonona, ‘igu King, ta ‘igu Eaubada: ‘Emuia ia sidasida ta ‘enega.

Salamo 145:19

Taudi si matautena ‘idi nuena ‘i da gieapwesa ‘edia; ‘Idi bwau wate ‘i da nonona, ta ‘i da ‘etoseedi.

Salamo 77:3

Eaubada ia nuena, ta nigea ia miamia oonua: Ia olilisana, ta iaruiaruagu ‘i tabataba. (Sela.)

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Salamo 42:4

Iage getedi ia nua‘i‘isidi, ta iaruiaruagu ia siwena soraguia, Bubuna nina ‘enega pwaru ma‘eguao ‘a tauia, ta ia ‘au‘ewedi Eaubada ‘ina anuaia, Eguausoara ta tuputupu ‘enadiega, pwaru asiata tabu si ‘ita‘i‘isina.

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.