8 Gonagona ta gonagona ‘asa ‘ina to to‘umalinao ia da giesaooridi; Be bubuna bokobokona ‘ana to guinua iauiaudi ia da ‘upwaiauledi Ieoba ‘ina ‘asega.
Wate to to‘umalidi ‘idi ioguli iauiauna ia da e‘upwa iaule; Ta to‐bubu‐paruparu ‘idi ioguli ia da gitu‘eie.
Na‘ieana ‘a nonona, na‘ieana a ‘itena Bodao ‘idi Ieoba ‘ina ‘asa esaesa ‘enaia, ‘ida Eaubada ‘ina ‘asa ‘enaia: Eaubada ‘i da giepa‘ara ataia. (Sela.)
‘Ina miatu‘e ‘ana ‘ita bobo‘ana, bare‘u maiboana ‘ina ‘ebeguausoara, Tauna ‘oea Siona, iaarata deinao ‘edia, King sinabwana ‘ina ‘asa esaesa.
‘E bweu boasi ‘i miami, narinao Eaubada ‘ina ‘asa si gieguausoarina, To ‘Etana Sana ‘ina anua‐tabenakeleao ‘idi esena tabu.
Ta ‘igu ioguli ni‘atu ‘u gitu‘eiena bulomakau bomitawa kunana ‘atua: Bunama auauna ‘enega si e‘oroigu.