Salamo 100:5 - Buki Tabu Lowaenei 1919

⁵ Ieoba ‘i bobo‘ana ta ‘enega; ‘ina nua‘ole‘ole ‘i mia ataia; Ta ‘ina bubuna ‘ai‘aila epata tomota iauiauna ‘edia.

Salamo 100:5 Referans Kwoze

Salamo 106:1

Ieoba wa da tupuna. Ieoba ‘ena wa da lokagutoki; tauna ‘i bobo‘ana ta ‘enega: ‘Ina nua‘ole‘ole ‘i mia‘ataia ta ‘enega.

Salamo 107:1

Ieoba ‘ena wa da lokagutoki; tauna ‘i bobo‘ana ta ‘enega: ‘Ina nua‘ole‘ole ‘i mia ‘ataia ta ‘enega.

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Salamo 36:5

Ieoba ie, ‘imu bubuna nua‘ole‘ole garewaia ‘i miami; ‘Imu bubuna ‘ai‘aila ‘i tu‘e ga garewaia.

Salamo 103:17

Ta Ieoba ‘ina nua‘ole‘ole taudi si ‘amaiabena ‘edia ‘i mia ‘ataia be ‘ataia, Ta ‘ina bubuna paruparu natunao natudiao ‘edia;

Salamo 119:68

‘Oio ‘u bobo‘ana, ta bobo‘ana ‘u guinuena; ‘Imu loina tomwanao ‘u da e‘ita‘edi ‘eguia.

Salamo 107:22

Ta lokagutoki ‘ana tariao si da ‘ebwaea, Ta ‘ina guinuao si da simanedi wariega.

Salamo 107:8

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 85:10

Nua‘ole‘ole ta ona ‘ai‘aila si eloba; Bubuna paruparuna ta guguia ni‘atu si e‘awamui.

Salamo 52:1

Tai waiwai ie! To‘ase manuna tauio ‘u tupumu wasegigi ‘enaia? Eaubada ‘ina nua‘ole‘ole ‘i mia ataia.

Salamo 107:15

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 146:6

Tauna garewa ta bare‘u ‘i mweruruidi, Ora, ta iage iauiauna ‘edia si miami; Tauna ona‘ai‘aila i ‘ita‘i‘isi ‘ataena:

Salamo 25:8

Ieoba ‘i bobo‘ana ta ‘i tooro paruparu: Ta ‘enega to loegesi ‘i da e‘itedi ‘eda ‘enaia.

Salamo 138:8

Iage manugu Ieoba ‘i da giebobo‘ai‘ailina: Ieoba ie, ‘imu nua‘ole‘ole ‘i mia ‘ataia; Nimaio tauio ‘idi guinuao gea‘abo ‘u da e‘idi‘idiedi.