Salamo 1:3 - Buki Tabu Lowaenei 1919

³ Ta tauna ‘i da nadigega kaiwe si ‘asona boasi daudauna deinaia, Tauna ‘i uaua ‘ana tuta ‘enega. Iawana wate nigea ‘i da ‘oaperu; Ta to‘ase nai ‘i guinuena, ‘i da sinabwa.

Salamo 1:3 Referans Kwoze

Salamo 92:14

Si da uaua ‘ataia ‘idi tuta dudurana ‘enega; Si da maa aionega ta mama‘inega:

Nugana 39:23

Anua ‘ebeiona ‘ana to‘ita‘i‘ita nigea ‘e bweu iage nimana ‘agaraunaia ‘i da ‘ita‘i‘isina, Ieoba ma‘ieana ta ‘enega; ta iage ‘i guinua, Ieoba ‘i giebobo‘anena.

Nugana 39:3

Ta ‘ina ‘inapwana i ‘itena Ieoba ma‘ieana, ta Ieoba iage iauiauna ‘i guinua ‘i giebobo‘anena nimanaia.

Salamo 128:2

Nimaio ‘idi guinua ‘u da ‘e‘ai ta ‘enega: ‘U da guausoara, ta ‘u da miabobo‘ana.

Isaia 3:10

To paruparu ‘ena ‘u da gwae, ‘i da mia bobo‘ana: ‘idi bubuna uanega si da ‘e‘ai ta ‘enega.

Isaia 44:4

Ta si da tabwa tu‘e nedu gamwagamwanaia, ‘atua wilou boasi ‘ina ‘ebedau deidia.

Isaia 27:11

Ni‘atu narinao si ‘oaperu, ga si da elasa iaulei; ‘ena si da mai ta si da loe‘abia: taudi tomota nigea ‘e bweu ‘idi mwaratoni ta ‘enega; ta ‘enega tauna ‘i mweruruidi gea‘abo ‘i da ‘atenua‘ole‘oleiedi, ta tauna ‘i bubudi gea‘abo ‘i da obobomedi.

Salamo 129:8

Ta taudi si tautauia deinaia nigea si gwaegwae, Ieoba ‘ina onaoboboma ‘emia ‘i da miami; Ieoba ‘ana esanega ‘a onaobobomeio.

Salamo 92:15

Be si da e‘ita ‘aene Ieoba ‘ina bubuna ‘i paruparu; Tauna ‘igu gurewa, ta nigea ‘e bweu bubuna nigea paruparu ‘enaia.

Isaia 58:11

Ta Ieoba ‘i da nuganeio tuta iauiauna, ta iaruiaruaio ‘i da loemaa esena iapaiapasidi ‘edia, ta lulumuao ‘i da giewaiwai; ta ‘u da nadigega bagura si loepwasa, ta nadigega wewerupwa, tauna ‘ina boasiao nigea si gumwagumwara.