Nugana 8:12 - Buki Tabu Lowaenei 1919

¹² Ta ‘i miami wate asiata ‘e sebeni; ta bunebune ‘i etunena; ga nigea wate i ‘ila‘ilama ‘enaia.

Nugana 8:12 Referans Kwoze

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Nugana 8:10

Ta ‘i miami ga wate asiata ‘e sebeni; ta wate bunebune ‘i etunena wagega;

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Nugana 8:11

ta bunebune asunuanuaia ‘i ruguma; ta, wa ‘ita, ‘awanaia olibe iawana gitagina: ta ‘enega Noa ‘i mwaratonina ni‘atu boasi si mwa‘umwa‘uta bare‘uia.