Nugana 6:22 - Buki Tabu Lowaenei 1919

²² Nadigega Noa ‘i guinua; na‘ieana iage iauiauna Eaubada ‘ena ‘i onaona, nadigega ‘i guinuena.

Nugana 6:22 Referans Kwoze

Si Apwesa 40:16

Nadigega Mose ‘i guinua; na‘ieana iage iauiauna Ieoba ‘ena ‘i eona‘ena, na‘ieana ‘i guinuena.

Nugana 7:5

Ta Noa ‘i guinua nadigega iage iauiauna Ieoba ‘i loina‘ena ‘enaia.

Nugana 7:16

Ta taudi si rugu, esio iauiauna ‘enega me‘olotona ta mewainena si rugu, na‘ieana Eaubada ‘ena ‘i onaona: ta Ieoba ‘i gibodena.

Si Apwesa 40:23

Ta palaua ‘i sa‘u ‘ai‘ailina ‘enaia Ieoba matanaia; na‘ieana Ieoba ‘i ona Mose ‘enaia.

Nugana 7:9

‘e rua ta ‘e rua Noa ‘ena si rugu waga ‘enaia, me‘olotona ta mewainena, na‘ieana Eaubada Noa ‘ena ‘i onaona.

Si Apwesa 40:27

Ta mu‘ana dibidibi ‘i gabudi ‘enaia; na‘ieana Ieoba ‘i ona Mose ‘enaia.

Si Apwesa 40:25

Ta Ieoba matanaia maieare ‘i loe‘abidi; na‘ieana Ieoba ‘i ona Mose ‘enaia.

Nugana 17:23

Ta Aberaamo natuna Isimaela i ‘au‘ewena, iauiaudi ‘ina susu ‘ena si tubutubua ta, iauiaudi ‘inamaniega ‘i gimwagimwaniedi ta, Aberaamo ‘ina susu taidi me‘olotodi iauna, ta asiata ai‘aila gote bwaradi matana esiona i ‘edabena, na‘ieana Eaubada ‘i onaona ‘enaia.

Si Apwesa 40:32

‘Ena anua‐‘ebeeloba ‘ena si rurugu, ta ‘ena ‘ebetaria si dodoro deinaia, si u‘utu nugana; na‘ieana Ieoba ‘i ona Mose ‘enaia.

Si Apwesa 40:21

Ta dedewaga ‘i me‘ena anua‐tabenakele ‘enaia, ta ‘aubodaboda ‘ana ‘auboda ‘i etoorona, ta ‘ebee‘ita ‘ana dedewaga i ‘aubodebodena; na‘ieana Ieoba ‘i ona Mose ‘enaia.

Si Apwesa 40:19

Ta anua‐kaleko ‘i lisitu‘eiena tabenakele debanaia, ta anua‐kaleko ‘ana bwasa lo‘etana ‘i sa‘una debanaia; na‘ieana Ieoba ‘i ona Mose ‘enaia.

Si Apwesa 7:6

Ta Mose ta Aarona si guinua nadigega; na‘ieana Ieoba ‘i eonedi, na‘ieana si guinua.