Nugana 49:10 - Buki Tabu Lowaenei 1919

¹⁰ Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Nugana 49:10 Referans Kwoze

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Salamo 60:7

Gileada ‘igu ‘asa, ta Manase ‘igu ‘asa; Eparaima wate debagu ‘ana lawa; Iuda ‘igu keweliwelili esaesa.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 2:2

Ta asiata muriega gete ‘i da apwesa, ‘aene Ieoba ‘ina anua ‘ana ‘oea ‘i da mia pa‘ara ‘oea debadia, ta ‘i da mia tu‘e ‘oea ‘etanidia; ta ‘ebeloina iauiaudi si da daudau ‘enaia.

Salamo 108:8

Gileada ‘igu ‘asa; Manase ‘igu ‘asa; Eparaima wate debagu ‘ana lawa; Iuda ‘igu keweliwelili esaesa.

Salamo 60:9

‘Asa pa‘arina iaita ‘ena ‘i da ‘au‘eweguma? Iaita i ‘au‘ewegu Edoma ‘enaia?

Salamo 78:68

Ta susu Iuda i ‘ita‘esi‘esinuena, ‘Oea Siona tauna ‘i obobomena.

Isaia 55:3

Wa da enonotenasi, ta ‘eguia wa da mai; wa da nono, ta iaruiaruami ‘i da bobo‘ana: ta ona‘upa‘upa ‘ataia ia da bubu ma‘emi, tuga Dabida ‘ina nua‘ole‘ole ‘ai‘ailidi.