Nugana 48:15 - Buki Tabu Lowaenei 1919

¹⁵ Ta Iosepa ‘i onaobobomena, ta ‘i gwae, Eaubada nina tauna matanaia tamaguao Aberaamo ta Isaako si tauia dadana, Eaubada nina tauna ‘i e‘enigu iawasigu maibo‘ana ga batua,

Nugana 48:15 Referans Kwoze

Nugana 17:1

Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 30:21

Ta tenamuao ona si da nono guaumuia, ‘i da gwae, Gete ‘eda nina, ‘ena wa da tauia; ‘ena wa sana‘ila ‘ataimi ‘ena, ta ‘ena wa sana‘ila gegeumimi ‘ena.

Salamo 37:3

Ieoba ‘ena ‘u da ‘emisa, ta bobo‘ana ‘u da guinuei; ‘Asa ‘ena ‘u da miami, ta bubuna ‘ai‘aila ‘u da muriena.

Salamo 23:1

Ieoba ‘igu to‐‘ita‘i‘isi‐sipi: gea‘abo ia da botabotana.

Salamo 16:8

Ieoba ia sa‘u mataguia ataia: Ataiguia ‘i miami, ta ‘enega gea‘abo ia da loniu.

Nugana 49:28

Iauiaudi getedi Iseraela ‘ina susu ‘e twelu: ta gete tauna tamadi ‘i ona ‘edia ta ‘i onaobobomedi; ‘e bweuna ‘e bweuna ‘ina onaoboboma nadigega ‘i onaobobomedi.

Nugana 49:24

Ta ‘ana tupu ‘i miamia pa‘arina, Ta nimana maturuadi si ewaiwai, Iakobo ‘ina Toewaiwai Tebweuna nimanega, (Gote ‘enega to‘ita‘i‘isi‐sipi, Iseraela ‘ina gurewa,)

Nugana 48:16

Anelose nina tauna to‘umalina iauiauna ‘ediega ‘i li‘amigu, tubuau nidi ‘i da onaobobomedi; ta ‘agu esana si da ‘inana ‘edia, ta tamaguao Aberaamo ta Isaako ‘adi esana; ta bare‘u gamwanaia si da sinabwa be si da ‘e boda sinabwana.

Nugana 28:22

Ta gurewa gete, tauna ia etoorona ‘ora manuna, ‘i da ‘e Eaubada ‘ina anua: ta iage iauiauna ‘u da ‘ebwaegu ‘ediega ‘ana ‘upwasanau ia da ‘ebwaea ‘ai‘aila ‘emuia.

Nugana 28:20

Ta Iakobo ona‘upa‘upa i ‘inanena, ‘i gwae, ‘Abo Eaubada ma‘ieagu, ta ‘eda gete ‘enega ia tautauia ‘ena ‘i da ‘ita‘i‘isigu, ta masura ‘i da ‘ebwaegu be ia da ‘e‘ai, ta ‘oama be ia da ‘otena,

Nugana 28:3

Ta Eaubada Toewaiwaisana ‘i da onaobobomeio, ta ‘i da bubuio be ‘u da uaua, ta ‘i da gieiauiemu, be ‘enega ‘u da e tomota mabodana;

Nugana 27:4

ta masura maina bobo‘ana ‘eguia ‘u da bubuna, nadigega nuagu i ‘ewena, ta ‘eguia ‘u da me‘ena, be ia da ‘e‘ai; be ‘enega iaruiaruagu ‘i da onaobobomeio nugana ga muriega ia da mwawasa.

Nugana 24:20

Ta ‘i lomanini, ta ‘ina ‘ebegoiega ‘i siwena iobai ‘idi ‘ebenuma ‘enaia, ta ‘i pili limana wewerupwa ‘enaia sabi goi, ta ‘i gonina ‘ina kameli iauiauna manudi.

Nugana 6:9

Noa ‘ina ‘ebetubua getedi. Noa tai adelina paruparuna, ta ‘ana epatao ‘edia ‘i bobo‘ana maibo‘ana: Noa Eaubada a‘ieana si lopilidadana.

Si Apwesa 3:16

‘U da tauia, ta Iseraela ‘ina ‘inapwanao ‘u da egogonedi, ta ‘edia ‘u da ona, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu ‘i apwesa ‘eguia, ‘i gwaegwae, ‘Abo‘agu ni‘atu ia ‘itemi, ta iage si guinuena ‘emia Aigupito ‘enaia:

Si Apwesa 4:5

Be ‘enega si da iareiare ‘aene Ieoba, tamadiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ‘i apwesa ‘emuia.

Nugana 24:40

Ta ‘eguia ‘i ona, Ieoba, tauna matanaia ia tauia, ‘ina anelose ‘i da etunena ma‘ieaio, ta ‘imu ‘eda ‘i da giebobo‘anena; ta natugu manuna mwanena ‘u da ‘au‘ewa ‘igu buunao ‘ediega, ta tamagu ‘ina anuega:

Nugana 27:27

Ta ‘i mai serabenaia, ta i ‘awamuina: ta ‘ana ‘oama maina ‘i muina, ta ‘i onaobobomena, ta ‘i ona, Wa ‘ita, natugu maina ‘Atua mitawa Ieoba ‘i onaobobomena maina:

Nugana 35:3

be ta da tooro, ta Betela ‘ena ta da tu‘e; ta ‘ena ‘ebetaria ia da ‘abi Eaubada ‘enaia, tauna ‘eguia ‘i onalimanama ‘igu dedoi ‘ina ‘asiata ‘enega, ta ‘edega ia tautauia tauna ma‘ieagu.

Nugana 49:22

Iosepa kaiwe narina mauana, Kaiwe narina mauana wewerupwa deinaia; Narinao ‘arigurewa si saila taona.