Nugana 47:29 - Buki Tabu Lowaenei 1919

²⁹ Ta tuta ‘i abe be Iseraela ‘i mwamwawasa: ta natuna Iosepa ‘i bwauiena, ta ‘i ona ‘enaia, ‘Abo nua‘ole‘ole ia lobena matamuia, ia sideio nimaio ‘u da sa‘u bwadagagu ‘agaraunaia, ta ‘u da bubuna nu‘ole‘ole ta ‘aiaila ‘eguia; ia sideio, gea‘abo ‘u sa‘usa‘ugu Aigupito ‘enaia:

Nugana 47:29 Referans Kwoze

Nugana 24:49

Ta gete tuga ‘abo ‘igu ‘inapwana ‘ena wa bubuna nua‘ole‘ole ta wa bubuna ‘ai‘aila, wa da eonegu; be ‘enega ataiguiega ia da ‘ila, nai gegeumiguiega.

Nugana 24:2

Ta Aberaamo ‘ina ‘ari‘ei, ‘ina anua ‘ana tonugana, tauna ‘ina iage iauiauna ‘i loinedi, ‘ena ‘i ona, Ia sideio, nimaio bwadagagu ‘agarauna ‘u da sa‘u:

Salamo 89:48

To tai tauna ‘i da bobo‘ana ta gea‘abo mwawasa ‘i da ‘itena, To tai tauna iaruiaruana ‘i da ‘etoseena Seola nimanega? (Sela.)

Salamo 49:9

Be ‘enega ‘i da mia ataia, Be ‘enega gea‘abo daula ‘i da ‘ita‘ita.

Salamo 49:7

Nigea ‘e bweu tasina ‘i da sa‘ugagina ‘e bweu bubuna manuna, Nai Eaubada ‘ana e‘isa ‘i da ‘ebwaea:

Salamo 6:5

Mwawasa ‘ena nigea ‘e bweu ‘amu nua‘i‘isi ta ‘enega: Seola ‘ena iaita ‘emuia ‘i da lokagutoki?

Nugana 47:9

Ta Iakobo ‘i ona Parao ‘enaia, ‘Igu mia dadana ‘ana iakwarao ‘adi asiata iakwara e wan anaredi ta tati: iawasigu ‘ana iakwarao ‘adi ‘asiatao pu‘epu‘edi ta to‘umalidi, ta tamaguao iawasidi ‘adi iakwarao ‘adi ‘asiatao ‘idi mia dadana ‘adi asiata ‘edia, nigea ‘edia si apweapwesa.

Nugana 3:19

maninio ‘ina amweai ‘enega masura ‘u da ‘e‘ai, ga bwa‘a ‘ena ‘u da ‘ila; ‘enega ‘u apwesama ta ‘enega: ‘oio nedila ta ‘enega, ta nedila ‘ena ‘u da ‘ila.

Nugana 27:2

Ta ‘i gwae, Gete ‘enega u ‘ita, ‘abo‘agu ia e tai sinabwa, ‘igu mwawasa ‘ana ‘asiata nigea ia mwaratoni.

Nugana 50:5

Tamagu ‘i loina ‘eguia ga ia ona‘upa‘upa, ‘i gwae, U ‘ita, ia mwamwawasa: ‘ari‘ari nina tauna ni‘atu ia salena manugu ‘asa Kanania ‘enaia, ‘ena ‘u da sa‘ugu. ‘Enega ia sideio, gete tuga ‘u da tagwaregu be ia da tu‘e, ta tamagu ia da sa‘u, ta ia da ‘ilama.

Nugana 48:21

Ta Iseraela ‘i ona Iosepa ‘enaia, U ‘ita, ia mwamwawasa: ta Eaubada ma‘emi wa da miami, ta tubumiao ‘idi ‘asa ‘ena ‘i da ‘au‘ewalimemi.

Nugana 50:12

Ta natunao me‘olotodi ‘ena si guinua nadigega ‘i onaona ‘edia: