Nugana 45:26 - Buki Tabu Lowaenei 1919

²⁶ Ta si simana ‘enaia, si gwae, Iosepa ‘i bobo‘ana tuga, ta tauna ‘asa Aigupito maibo‘ana ‘ana toloina. Ta ‘atena ‘i sawara, nigea ‘i iareiaredi ta ‘enega.

Nugana 45:26 Referans Kwoze

Nugana 44:28

ta ‘e bweuna ‘eguiega ‘i apwesa, ta ia ona, ‘Ai‘aila si sabu lelewanena; ta muriega nigea ia ‘itena;

Nugana 37:35

Ta natunao me‘olotodi iauiaudi ta natunao mewainedi iauiaudi si tooro sabi gienuabobo‘anena; ta nuabobo‘ana geanuana; ta ‘i gwae, ‘Ari‘ari ‘ena ia da tauia ta ‘enega natugu ‘enaia ma‘igu dedoi. Ta tamana ‘i dedoi manuna.

Iona 2:7

‘Ena iaruiaruagu ‘i mwawasa soraguia, Ieoba ia nua‘i‘isina: Ta ‘igu sidasida ‘emuia ‘i ruguma, ‘imu anua tabu gamwanaia.

Salamo 126:1

‘Ena Ieoba Siona ‘ana mia ionaiona ‘i gibuni limena, ‘Abo‘ada nadigega taudi si madawara.

Salamo 105:21

‘I aseiena be tauna ‘ina anua ‘ana ‘inapwana, Ta ‘ina gwegwe iauiauna ‘ana to loina:

Nugana 42:38

Ta ‘i ona, Natugu gea‘abo ‘i mwa‘umwa‘uta ma‘emi; tasina ‘i mwawasa ta ‘enega, ta tebweuna ‘i tupwa: ‘abo to‘umalina ‘i ununa ‘edega wa tautauia, ga uiauiagu segwasegwana wa da mwa‘utena ma‘ate‘uia‘uia ‘ari‘ari ‘enaia.

Nugana 42:36

Ta tamadi Iakobo ‘edia ‘i ona, ‘Eguiega natuguao wa tauiedi: Iosepa nigea, ta Simeona nigea, ta Beniamina wa da ‘au‘ewena: iage iauiauna gete ‘eguia.

Nugana 37:31

Ta Iosepa ‘ana ‘oama si ‘ewena, ta gota‐me‘olotona si ununa, ta ‘oama si sa‘u mwa‘utena rara ‘enaia;

Nugana 45:25

Ta Aigupitoega si tu‘e, ta ‘asa Kanania ‘ena si mai tamadi Iakobo ‘enaia.

Nugana 42:29

Ta si mai tamadi Iakobo ‘ena ‘asa Kanania ‘enaia, ta iage iauiauna ‘edia si apweapwesa si ‘e simanena ‘enaia; si gwae,

Nugana 48:11

Ta Iseraela Iosepa ‘ena ‘i gwae, Nigea ia nuena ‘aene maninio ia da ‘itena: ta, u ‘ita, Eaubada ‘eguia ‘i tagwara be natumuao wate ia ‘itedi.