Nugana 43:7 - Buki Tabu Lowaenei 1919

⁷ Ta si gwaegwae, Tai nina ‘i eonema paruparuna manuma, ta ‘ima buunao manudi, ‘i gwae, Tamami ‘i bobo‘ana nai? wate ‘e bweu tasimi? ta ‘ena ‘a simana nadigega ona getedi ‘idi bubuna: kapekapeana nai ‘e bweu iage manuna ‘a da mwaratoni ‘aene ‘i da ona, Tasimi wa da ‘au‘ewa mwa‘utenama?

Nugana 43:7 Referans Kwoze

Nugana 43:3

Ta Iuda ‘i ona ‘enaia, ‘i gwae, Tai nina ona pa‘arinega ‘i onaona, ‘i gwaegwae, Maninigu gea‘abo wa da ‘ita‘ita, ‘abo tasimi nigea ma‘emi.

Nugana 43:27

Ta ‘idi miami ‘i enaidena, ta ‘i gwae, Tamami ‘i bobo‘anaia, tai sinabwana nina manuna wa gwaegwae? I bobo‘ana ataiaia?

Nugana 42:13

Ta si ona, ‘Abo‘ama ‘imu to‐guinuao matasimao ‘e twelu, tai ‘e bweuna ‘asa Kanania ‘enaia natunao; ta, u ‘ita, me goamana batua tamama ma‘ieana, ta ‘e bweuna nigea.

Nugana 43:6

Ta Iseraela ‘i ona, To‘ase manuna wa bubuna geiogeioi nadigega ‘eguia, tai nina ‘ena wa simana ‘aene wate ‘e bweu tasimi?

Nugana 44:19

‘Igu ‘inapwana ‘ina toguinuao ‘i eonedi, ‘i gwae, Tamami ‘i miamia, nai tasimi ‘e bweuna ga?

Nugana 42:11

‘Abo‘ama iauiauma tai ‘e bweuna natunao; ‘abo‘ama tai bubuna ‘ai‘aila, ‘imu toguinuao nigea to‐iausa.