Nugana 43:26 - Buki Tabu Lowaenei 1919

²⁶ Ta ni‘atu Iosepa ‘i mai anuaia, ga ‘ebwaeadaita nimadia ‘i miamiana si me‘ena ‘enaia anua gamwanaia, ta ‘ena si bwagobwago sanamwa‘uta bare‘uia.

Nugana 43:26 Referans Kwoze

Nugana 42:6

Ta Iosepa ‘asa ‘ana to‐loina; tauna ‘i gimwagimwane ‘asa ‘ina tomota iauiauna ‘edia: ta Iosepa tasinao si mai, ta ‘ena si bwagobwago sanamwa‘uta bare‘uia.

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Salamo 72:9

Taudi mitawaia si miami matanaia si da bwago; Ta ‘ana tarauwarao kau si da loiamosi.

Nugana 43:28

Ta si ona, ‘Imu toguinua tamama ‘i bobo‘ana, nigea ‘i mwawamwawasa. Ta debadiega si sanabwago, ta si ‘amaiabena.

Nugana 33:3

Ta tauna ‘i ataona nuganidia, ta ‘i bwagobwago bare‘uia ‘e sebeni, ga tasina ‘ena ‘i apwesa serabenaia.

Nugana 43:11

Ta tamadi Iseraela ‘i ona ‘edia, ‘Abo nadigega gete ‘enega, gete wa da guinua; ‘asa uana bobo‘ai‘ailidi wa da ‘ewa ‘imi ‘ebe‘a‘ara ‘edia, ta tai nina ‘ana ‘ebwaeadaita wa da ‘a‘ara mwa‘ute, gweda ‘epuio gidarina be, mu‘awa gidarina be, gweda mamaina ta muro be, pisakio‐uana be, saido be:

Si Apwesa 18:7

Ta Mose ‘i apwesa bwasiana sabi lobana, ta ‘i kopukopu, ta i ‘awamuina; ta si enaida ‘e bweuna ‘e bweuna mwa‘adega ‘idi miami; ta anua ‘ena si rugu.