Nugana 39:9 - Buki Tabu Lowaenei 1919

⁹ nigea ‘e bweu anua gete ‘ena ‘i da sinabwa sinegu; ta nigea ‘e bweu iage ‘eguia ‘i egagare, ‘oio namo, ‘oio mwanena ta ‘enega: ga mwa‘adega to‘umalina sinabwana gete ia da guinua, ta Eaubada ‘ena ia da bubuna to‘umalina?

Nugana 39:9 Referans Kwoze

Nugana 42:18

Ta ‘asiata ‘e tonina Iosepa ‘edia ‘i ona, Gete wa da guinua, ta wa da bobo‘ana; Eaubada ia matautena ta ‘enega:

Nugana 20:6

Ta Eaubada madawara nina ‘enega ‘i eonena, Tamo, ia mwaratoni ‘ateio ‘ina nuanua ‘ai‘aila ‘enega iage gete ni‘atu ‘u guinuei, ta ‘abo‘agu wate ia egagaremu be gea‘abo ‘u da bubuna to‘umali ‘eguia: ta ‘enega nigea ia tagwaremu be ‘u da gitoona.

Salamo 51:4

‘Emuia, ‘emuia tebweuio, ni‘atu ia loegesi, Ta iage nina to‘umalina matamuia ni‘atu ia guinuena: Be ‘enega ‘u da paraparu ‘ena ‘u gwaegwae, Ta ‘u da ‘esasena ‘ena ‘u loina.

Loina 6:2

‘Abo ‘e bweu ‘i loegesi, ta bubuna bokobokona ‘i guinua Ieoba ‘enaia, ta gosiana ‘ena ‘i guinua bokobokona iage ‘i sa‘una manuna, nai gimwani, nai oae, nai gosiana ‘i didigena;

Loina 20:10

Ta tai ‘i loelata mari tai mwanena ma‘ieana, tugama tauna ‘i loelata gosiana mwanena ma‘ieana, to loelata me‘olotona ta mewainena si da loemwawasa ‘ai‘ailidi.

Nugana 41:40

‘oio ‘igu anua ‘u da loine, ta ‘imu ona nadigega ‘igu tomota iauiauna loina si da muria: ‘ebemiesaesa namo ‘ena ia da sinabwasineio.

Nugana 24:2

Ta Aberaamo ‘ina ‘ari‘ei, ‘ina anua ‘ana tonugana, tauna ‘ina iage iauiauna ‘i loinedi, ‘ena ‘i ona, Ia sideio, nimaio bwadagagu ‘agarauna ‘u da sa‘u:

Nugana 20:3

Ta Eaubada Abimeleka ‘ena ‘i mai boiboi ‘ana madawarega, ta ‘i eonena, U ‘ita, ‘oio ‘i abe ‘u e tomwawasa, waine nina u ‘au‘ewena manuna: tauna tai mwanena ta ‘enega.

Nugana 13:13

Ta tai Sodoma si to‘umali wawasae ta si guinua geiogeioi leoba ‘enaia.

Nugana 20:9

Ga Abimeleka Aberaamo ‘i bwauiena, ta ‘i eonena, To‘ase ‘u guinua ‘emaia? ta mane ‘enega ia bubuna to‘umali ‘emuia, ta ‘enega ‘eguia ta ‘igu ‘ebeloina ‘ena bubuna to‘umalina sinabwana ‘u me‘ena? bubuna nigea sawesawemuia ‘u da guinua ‘eguia ni‘atu ‘u guinuena.

Nugana 39:10

Ta gete ‘i apwesa, asiata iauna waine ‘i onaona Iosepa ‘ena, ga nigea ‘i da nonona, be ‘i da ‘eno ‘enaia, nai ‘i da miami ma‘ieana.

Si Apwesa 20:14

Gea‘abo ‘u da loelata.