Nugana 37:9 - Buki Tabu Lowaenei 1919

⁹ Ta wate ‘e bweu madawara ‘i madawarena, ta tasinao ‘edia ‘i simanena, ta ‘i gwae, Wa ‘ita, wate ‘e bweu madawara ia madawarena; ta, wa ‘ita, sinara ta nawarae ta kwadima ‘e elebeni ‘eguia si bwagobwago.

Nugana 37:9 Referans Kwoze

Nugana 37:7

Wa ‘ita, ta ‘enega, witi ta ebwagilina bagura ‘enaia, ta, wa ‘ita, ‘igu bwagila ‘i tooro, ta wate ‘i tooro paruparuna; ta, wa ‘ita, ‘imi bwagilao si sakowasiena, ta ‘igu bwagila ‘ena si bwagobwago.

Nugana 47:12

Ta Iosepa tamana be, tasinao be, tamana ‘ina susu maibo‘ana be, ‘i e‘enidi palauega nadigega ‘idi gogama gidaridi ‘adi iau.

Nugana 46:29

Ta Iosepa ‘ina wagalisilisi ‘i gibubuna, ta ‘i tu‘e sabi lobena tamana Iseraela, Gosena ‘enaia; ta ‘i apwesa ‘enaia, ta ‘otonaia ‘i bwaila, ta ‘otonaia ‘i dedo dudurana.

Nugana 45:9

Wa da lomanini, ta tamagu ‘ena wa da tu‘e, ta wa da ona ‘enaia, Gete nadigega natuio Iosepa ‘i ona, Eaubada ‘eguia ‘i bubuna ga ‘abo‘agu Aigupito maibo‘ana ‘ana ‘inapwana: ‘eguia ‘u da mwa‘utama, gea‘abo ‘u miamialia:

Nugana 44:19

‘Igu ‘inapwana ‘ina toguinuao ‘i eonedi, ‘i gwae, Tamami ‘i miamia, nai tasimi ‘e bweuna ga?

Nugana 44:14

Ta Iuda ta tasinao si mai Iosepa ‘ina anuaia; ta ‘ena ‘i miami: ta matanaia si be‘u bare‘uia.

Nugana 43:28

Ta si ona, ‘Imu toguinua tamama ‘i bobo‘ana, nigea ‘i mwawamwawasa. Ta debadiega si sanabwago, ta si ‘amaiabena.

Nugana 41:32

Ta madawara nina i ‘e ruena marua Parao ‘enaia manuna, tauna iage nina Eaubada ‘i giepa‘ara ta ‘enega, ta Eaubada ‘i abe ‘i gieapwesena.

Nugana 41:25

Ta Iosepa ‘i ona Parao ‘ena, Parao ‘ina madawara ‘e bweuna: iage Eaubada ‘i abe ‘i guinua ni‘atu ‘i simana Parao ‘enaia.

Nugana 37:10

Ta tamana ‘ena, ta tasinao ‘edia ‘i simanena; ta tamana ‘i ba‘ena, ta ‘ena ‘i ona, To madawara gete ‘u madawarena? ‘Abo‘agu be, sinaio be, tasimuao be, ‘aene ‘a da bwagobwago ‘emuia bare‘uia?

Nugana 37:8

Ta tasinao si eonena, ‘O io nai ‘u da loinema? ‘O io nai ‘u da e‘inapwana ‘emaia? Ta ‘ina madawara manudi, ta ‘ina ona manudi nuadi ‘i to‘umali wawasae ‘enaia.

Nugana 20:3

Ta Eaubada Abimeleka ‘ena ‘i mai boiboi ‘ana madawarega, ta ‘i eonena, U ‘ita, ‘oio ‘i abe ‘u e tomwawasa, waine nina u ‘au‘ewena manuna: tauna tai mwanena ta ‘enega.

Nugana 42:6

Ta Iosepa ‘asa ‘ana to‐loina; tauna ‘i gimwagimwane ‘asa ‘ina tomota iauiauna ‘edia: ta Iosepa tasinao si mai, ta ‘ena si bwagobwago sanamwa‘uta bare‘uia.

Nugana 43:26

Ta ni‘atu Iosepa ‘i mai anuaia, ga ‘ebwaeadaita nimadia ‘i miamiana si me‘ena ‘enaia anua gamwanaia, ta ‘ena si bwagobwago sanamwa‘uta bare‘uia.