Nugana 37:26 - Buki Tabu Lowaenei 1919

²⁶ Ta Iuda ‘i ona tasinao ‘edia, To‘ase ‘ana bobo‘ana ‘abo tasida ta ununa ta rarana ta sa‘u kwaiena?

Nugana 37:26 Referans Kwoze

Nugana 37:20

‘Enega wa da mai be ta da ununa, ta gaula ‘e bweuna ‘ena ta da ulena, be ta da ona, Bomitawa to‘umalina ‘e bweu i ‘enina: be ta da ‘ita to‘ase ‘i da apwesa ‘ina madawarega.

Nugana 4:10

Ta ‘i ona, To‘ase ‘u guinua? tasio rarana ‘enana ‘eguia ‘i bwauma bwa‘a ‘enega.

Salamo 30:9

To‘ase ‘ina bobo‘ana raragu ‘ena, ‘ena ia mwa‘uta gaulaia? Kau ‘i da tupuio nai? ‘Imu ona ‘ai‘aila ‘i da simane nai?

Nugana 25:32

Ta Esau ‘i gwae, U ‘ita, ‘i abe ia mwamwawasa: ta tomatua nina to‘ase ‘ana bobo‘ana ‘eguia?

Nugana 40:15

‘Abo‘agu si ‘ipwara ‘ai‘ailigu me Eberu ‘idi ‘asega: ta gete wate ‘ena nigea ‘e bweu iage ia guinua be ‘enega gogora ‘ena si sa‘ugu.

Nugana 42:21

Ta si ona ‘e bweuna ‘e bweuna ‘enaia, ‘Abo‘ada ta to‘umali ‘ai‘aila tasidai manuna, iaruiaruana ‘ina elo‘uia ta ‘itena ta ‘enega, ‘ena ‘edaia ‘i sida, ta nigea ta da nonona; ta ‘enega elo‘uia gete ‘i apwesa ‘edaia.

Nugana 50:20

Ta ‘omi manumi, nuami ‘aene to‘umalina wa da guinua ‘eguia; ta Eaubada bobo‘ana manuna ‘i nuena, be ‘i da gieapwesa, nadigega batua, be tomota iauna iawasidi ‘i sa‘u.

Nugana 4:9

Ta Ieoba Kaina ‘ena ‘i ona, Abela tasio mwa‘o? Ta ‘i ona, Nigea ia mwaramwaratoni: ‘abo‘agu tasigu ‘ana to‘ita‘i‘ita nai?