Nugana 35:23 - Buki Tabu Lowaenei 1919

²³ Lea natunao; Rubena, Iakobo ‘ina tomatua, Simeona ta, Lebi ta, Iuda ta, Isakara ta, Sebulona ta:

Nugana 35:23 Referans Kwoze

Nugana 33:2

Ta toguinua mewainedi ‘e rua manatudiao ‘i sa‘u nuganedi, ga Lea ta natunao, ta Rakela ta Iosepa murinaia.

Nugana 29:31

Ta Ieoba i ‘itena ‘aene Iakobo Lea ‘i guitoasena, ta gamwana ‘ebetubua ‘i gigegena: ta Rakela ‘i megagara.

Si Apwesa 1:1

Gete ‘adi esana Iseraela natunao, taudi Aigupito ‘ena si mai; tai ‘e bweuna ‘e bweuna ta ‘ina anua ‘ana tomianao Iakobo ma‘enao si mai.

Nugana 29:16

Ta Labana natunao me wainedi ‘e rua: me sinabwana ‘ana esana Lea, ta me goamana ‘ana esana Rakela.

Nugana 49:3

Rubena, ‘oi o ‘igu gimi totubua, ‘igu waiwai, ‘igu waiwai ‘ina nugana; Mia esaesa ‘ana bobo‘ai‘ailina, ta waiwai ‘ana bobo‘ai‘ailina.

Ruta 4:11

Ta tomota iauiaudi ‘eberugu ‘ena si miami, ta ‘inapwanao, si ‘ona, ‘Abo‘ama to‐‘itao. Waine nina ‘imu anua ‘ena ‘i mai Ieoba ‘i da bubuna be ‘i da nadigega Rakela ta nadigega Lea, siterua Iseraela ‘ina anua si ‘abina: ta ‘Eparata ‘ena ‘u da bubu ‘ai‘aila, ta Beteleema ‘ena ‘areio si da nono: