Nugana 34:7 - Buki Tabu Lowaenei 1919

⁷ Ta Iakobo natunao me‘olotodi ni‘atu si nonona ga mitawega si mai: ta tai nidi ‘atedi ‘i uiauia, ta si gamwasoara sinabwana, iage ‘euwauwa ‘i guinuena Iseraela ‘enaia, Iakobo natuna ma‘ieana i ‘enoia ta ‘enega; tauna iage nina nigea sawesawenaia ‘i da guinua.

Nugana 34:7 Referans Kwoze

Nugana 20:9

Ga Abimeleka Aberaamo ‘i bwauiena, ta ‘i eonena, To‘ase ‘u guinua ‘emaia? ta mane ‘enega ia bubuna to‘umali ‘emuia, ta ‘enega ‘eguia ta ‘igu ‘ebeloina ‘ena bubuna to‘umalina sinabwana ‘u me‘ena? bubuna nigea sawesawemuia ‘u da guinua ‘eguia ni‘atu ‘u guinuena.

Salamo 93:5

‘Imu simanao to ‘ai‘aila sana: Tabu ‘imu anua ‘i sawesawenaia, Ieoba, ataia ta ataia.

Loina 4:27

Ta ‘abo tomotai ‘ediega ‘e bweuna ‘i loegesi ma‘ina mwagemwage, iage ni‘atu Ieoba ‘i ona gea‘abo si da guinua ga ‘e bweuna ‘i guinuena, ga ‘i to‘umali;

Loina 4:13

Ta ‘abo Iseraela ‘ina deriegogona maibo‘ana si loegesi, ta iage nina ‘i mia kwaia miaegogona matadiega, ta iage ni‘atu Ieoba ‘i ona gea‘abo si da guiguinue ga ‘e bweuna ni‘atu si guinuena, ta si to‘umali;

Loina 4:2

Iseraela tubunao ‘edia ‘u da ona, ‘u da gwae, ‘Abo ‘e bweu ‘i loegesi mwagemwage, iage ‘e bweuna Ieoba ni‘atu ‘i ona be gea‘abo ‘ena si da guiguinua ‘enaia, ta ‘e bweuna ‘ediega ‘i da guinuena:

Nugana 46:7

natunao me‘olotodi, ta natunao me‘olotodi natudiao me‘olotodi ma‘enao, natunao mewainedi, ta natunao me‘olotodi natunao mewainedi, ta tubunao iauiaudi ma‘enao i ‘au‘ewedima Aigupito ‘enaia.

Nugana 34:6

Ta Amora Sekema tamana ‘i apwesa Iakobo ‘ena sabi ona ma‘ieana.

Nugana 34:8

Ta Amora ‘i onaona ma‘edi, ‘i gwaegwae, Natugu Sekema iaruiaruana natumi manuna ‘i nuanuana sinabwana: Ia sidemi wa da ‘ebwaena be ‘i da ‘awa mwanena.