Nugana 32:9 - Buki Tabu Lowaenei 1919

⁹ Ta Iakobo ‘i gwae, Ie tubugu Aberaamo ‘ina Eaubada, ta tamagu Isaako ‘ina Eaubada, Ieoba ie, tauio ‘u eonegu, ‘Imu ‘asa ‘ena ‘u da ‘ila, ta ‘imu bu‘unao ‘edia, ta ia da giebobo‘aneio:

Nugana 32:9 Referans Kwoze

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 31:13

‘Abo‘agu Betela ‘ana Eaubada, ‘ena ‘ora ‘u siwarorona, ‘ena ‘eguia ona‘upa‘upa u ‘inanena: gete tuga ‘u da tooro, ‘asa gete ‘enega ‘u da tauia, ta ‘imu ‘asa ‘ena ‘u tubua ‘ena ‘u da ‘ila.

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 31:3

Ta Ieoba Iakobo ‘ena ‘i ona, Tubumuao ‘idi ‘asa ‘ena ‘u da ‘ila, ta ‘imu bu‘unao ‘edia; ta ‘abo‘agu ma‘ieaio.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Nugana 31:53

Aberaamo ‘ina Eaubada, Naora ‘ina Eaubada, tubudi ‘idi Eaubada, ‘i da loina mwatuidaia. Ta Iakobo ‘i ona‘upa‘upa tamana Isaako ‘ina ‘Ebematauta ‘enega.

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Si Apwesa 3:6

Wate ‘i gwae, ‘Abo‘agu tamaio ‘ina Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be. Ta Mose maninina i ‘aubodebodena; ‘ita Eaubada ‘i matautena ta ‘enega.

Nugana 31:29

Nimagu ‘ina waiwaiega ia da gieto‘umaliemi: ta tamami ‘ina Eaubada guruwana ‘i eonegu, ‘i gwae, ‘U da ‘ita‘i‘isio ‘oio be gea‘abo Iakobo ‘ena ‘u onaona nai bobo‘ana nai to‘umalina.

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Nugana 28:15

Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Nugana 32:8

ta ‘i gwae, ‘Abo Esau ‘i mai boda ‘e bweuna ‘enaia, ta ‘i da unua‘ena, ga boda ‘i tupwana ‘i da dena.

Nugana 49:25

Tamaio ‘ina Eaubada ‘enega, Tauna ‘i da lemeio, Ta Toewaiwai sana ‘enega, Tauna ‘i da onaobobomeio, Onaoboboma garewa ‘etanaia ‘ediega, Onaoboboma ni‘uia tauna ‘ubunaia i ‘eno‘enokwaia ‘ediega, Susu matana, ta gamwa ‘ebetubua ‘adi onaoboboma ‘ediega.