Nugana 32:28 - Buki Tabu Lowaenei 1919

²⁸ Ta ‘i ona, ‘Amu esana gea‘abo si ‘inanena ‘aene Iakobo, ta Iseraela: Eaubada ma‘ieana ta tomota ma‘edi wa e‘upwa ta ‘enega, ta ‘u ewaiwai.

Nugana 32:28 Referans Kwoze

Nugana 35:10

Ta Eaubada ‘i ona ‘enaia, ‘Amu esana Iakobo: gea‘abo wate ‘amu esana si da ‘ina‘inana Iakobo, ta ‘amu esana Iseraela: ta ‘i eesena Iseraela.

Nugana 17:5

Ta gea‘abo wate ‘amu esana Aberamo ta ‘amu esana i da Aberaamo; ni‘atu ia bubuio ‘asa iau‘ena‘ina tamadi ta ‘enega.

Nugana 17:15

Ta Eaubada Aberaamo ‘ena ‘i ona, Sarai mwaneio manuna, gea‘abo ‘ana esana u ‘ina‘inana Sarai, ta ‘ana esana Sara.

Isaia 65:15

Ta ‘ami esana wa da pilisinena ‘ebeona‘upa‘upa manuna ‘igu ‘esi‘esinuedi ‘edia, ta ‘Inapwana Eaubada ‘i da loemwawasiio; ta ‘ina to‐guinuao mariesanega ‘i da eesedi:

Nugana 33:4

Ta Esau ‘i pili sabi lobena, ta ‘i ‘atubwailina, ta otona ‘ena ‘i be‘u, ta i ‘awamuina: ta si ededoi.

Nugana 25:31

Ta Iakobo ‘i gwae, ‘Imu tomatua batua ‘eguia ‘u da gimwaneie.

Nugana 32:24

Ta Iakobo ‘i miami tebweuna; ta ‘ena ‘e bweu tai ma‘ieana si edididi masarina.

Nugana 31:24

Ta Eaubada Labana goma Siria ‘ena ‘i mai boiboi ‘ana madawarega, ta ‘i eonena, ‘U da ‘ita‘i‘isio ‘oio ta gea‘abo Iakobo ‘ena ‘u onaona nai bobo‘ana nai to‘umalina.

Nugana 33:20

Ta nada ‘ebetaria i ‘abina, ta ‘i eesena Eleloe Iseraela.

Nugana 32:27

Ta ‘i eonena, Mwa‘adega ‘amu esana? Ta ‘i ona, Iakobo.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.