Nugana 32:26 - Buki Tabu Lowaenei 1919

²⁶ Ta ‘i ona, ‘U da gisinegu, tomwa ‘i ulisina ta ‘enega. Ta ‘i ona, Gea‘abo ia gisineio, ‘abo nigea ‘u onaonaobobomegu.

Nugana 32:26 Referans Kwoze

Salamo 67:1

Eaubada ‘u da ‘atenua‘ole‘oleiema, ta ‘u da onaobobomema, Ta maniniio ‘u da giesae ‘emaia; (Sela.)

Si Apwesa 32:10

Gete ‘enega ‘u da gisinegu, be ‘enega ‘igu gamwasoara ‘i da iaiiai ‘edia, ta ia da loegumwaridi: ta ‘emuiega ‘ebeloina sinabwana ia da bubuna.

Isaia 64:7

Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Nugana 32:25

Ta ni‘atu i ‘itena nigea ‘ena ‘i ewaiwai, ga bwadagana ‘agaraunaia ‘i gitoona; ta Iakobo bwadagana ‘agarauna ‘i didina, ma‘ieana si edididi ‘enega.

Nugana 32:27

Ta ‘i eonena, Mwa‘adega ‘amu esana? Ta ‘i ona, Iakobo.