Nugana 32:11 - Buki Tabu Lowaenei 1919

¹¹ ‘U da ‘etoseegu, ia sideio, tasigu nimanega, Esau nimanega: ia matautena ta ‘enega, nai ‘i da mai be ‘i da unugu, sinadi manatunao.

Nugana 32:11 Referans Kwoze

Salamo 142:6

‘Igu bwau ‘u da nonona; ni‘atu ia mia mwa‘uta wawasae ta ‘enega: Taudi si unuunugu ‘ediega ‘u da ‘etoseegu; si waiwai wawasae ‘eguia ta ‘enega.

Salamo 119:134

Tai ‘ina bubuna mwaumwau ‘enega ‘u da ‘ewalimegu: Ga ‘imu ona ‘ebe‘ita‘i‘itao ia da ‘ita‘i‘isidi.

Salamo 43:1

Eaubada ie, ‘U da loinegu, ta manugu ‘U da etara ‘ebeloina nigea tapwaroro matanaia: Tai kabokabo ta nigea paruparuna ‘enega ‘u da ‘etoseegu.

Salamo 31:2

Tenaio ‘u da e‘etomwa‘utenama ‘eguia; ‘u da ‘etoseegu manini: ‘Eguia ‘u da egurewa pa‘arina, anua ‘ebelema be i ‘etoseegu.

Salamo 25:20

Iaruiaruagu ‘u da ‘ita‘i‘isi, ta ‘u da ‘etoseegu: Gea‘abo ‘u da tagwara be ia da omaiamaia, ‘emuia ia ‘emisa ta ‘enega.

Salamo 16:1

Eaubada ie, ‘u da ‘ita‘i‘isigu: ‘emuia ia ‘emisa ta ‘enega.

Nugana 27:41

Ta Esau nuana ‘i to‘umalina Iakobo ‘enaia onaoboboma ‘enega tamana ‘i onaonaobobomena manuna: ta Esau ‘atenega ‘i ona, ‘Asiata ‘ewabamu tamagu manuna ‘i abe; ga tasigu Iakobo ia da loemwawasina.

Nugana 27:42

Ta natuna me sinabwana Esau ‘ina ona Rebeka ‘ena si simanena; ta i ‘etune ta natuna me goamana Iakobo ‘i bwauiena, ta ‘ena ‘i ona, U ‘ita, tasio Esau, manuio, ‘atena ‘i giepa‘arina, ‘aene ‘i da loemwawasio.

Nugana 32:3

Ta Iakobo topiliiareiare ‘i etunedi nuganinaia tasina Esau ‘ena ‘asa Seira ‘enaia, tauna Edoma mitawina.

Nugana 32:7

Ga Iakobo ‘i matauta sinabwana ta i ‘atesa‘ara: ta tomota ma‘enao si miamiana, sipi iau be, bulomakau iau be, kameliao be, ‘i wearidi boda ‘e rua;

Nugana 33:4

Ta Esau ‘i pili sabi lobena, ta ‘i ‘atubwailina, ta otona ‘ena ‘i be‘u, ta i ‘awamuina: ta si ededoi.

Nugana 24:27

Ta ‘i ona, Ieoba, ‘igu ‘inapwana Aberaamo ‘ina Eaubada, tauna ‘ina nua‘ole‘ole ta ‘ina ona ‘ai‘aila ‘igu ‘inapwana ‘enaia nigea ‘i e‘idi‘idia, ta da tupuna: ta ‘abo‘agu manuna, Ieoba ‘igu ‘inapwana tasinao ‘idi anua ‘ana ‘eda ‘ena ‘i nuganegu.