Nugana 31:21 - Buki Tabu Lowaenei 1919

²¹ Ta ‘enega ‘i dena ma‘ina iage iauiauna; ta ‘i tooro, ta Boasi‐‘Awana ‘i taonina, ta maninina ‘oea Gileada ‘enaia.

Nugana 31:21 Referans Kwoze

Nugana 46:28

Ta Iuda ‘i etunena nuganinaia Iosepa ‘ena, be ‘eda nuganinaia ‘i da e‘ita Gosena ‘enaia; ta si mai ‘asa Gosena ‘enaia.

Nugana 37:25

Ta si miatoa sabi ‘e‘ai palaua: ta si ‘ita tu‘e ta si dune, ta, wa ‘ita, me Isimaela boda to lopilidadana Gileadega si mema, ‘idi kameliao gweda mamaina be, gweda ‘epuio be, gweda muro be, si lo‘a‘aridi, ‘i abe si lo‘a‘ara mwa‘uta Aigupito ‘enaia.

Nugana 31:23

Ta tasinao i ‘au‘ewedi ma‘enao, ta ‘i muriena asiata ‘e sebeni; ta ‘i lobena ‘oea Gileada ‘enaia.

Nugana 15:18

Asiata gote ‘enega Ieoba ona‘upa‘upa ‘i bubuna Aberamo ma‘ieana, ‘i gwae, Tubumuao ‘edia ‘asa gete ia ‘ebwaedi, boasi ‘awana Aigupito ‘enega ga boasi ‘awana sinabwana, boasi ‘awana Euperatesa:

Nugana 2:14

Ta ‘awa ‘e tonina ‘ana esana Idekela: tauna Asiria matanaia ‘i daudau. Ta ‘awa ‘e atana Euperatesa.

Nugana 31:20

Ta Iakobo Labana goma Siria ‘enega ‘i tauia ma‘ulamo, ‘ina dena nigea ‘i simasimane ta ‘enega.

Nugana 31:22

Ta asiata ‘e tonina Labana ‘ena si simana ‘aene Iakobo ‘i dena.