Nugana 29:20 - Buki Tabu Lowaenei 1919

²⁰ Ta Iakobo ‘i guinua iakwara ‘e sebeni Rakela manuna; ta ‘ina nuena ‘aene ‘asiata pu‘epu‘edi, ‘ina oboboma ‘enaia manuna.

Nugana 29:20 Referans Kwoze

Nugana 24:67

Ta Isaako i me‘ena sinana Sara ‘ina anua ‘enaia, ta Rebeka i ‘au‘ewena, ta waine nina ‘i e mwanena; ta ‘i obobomena: ta Isaako nuana ‘i bobo‘ana sinana ‘ina mwawasa murinaia.

Nugana 30:26

Mwaneguao ta natuguao taudi manudi ‘emuia ni‘atu ia guinua ‘u da ‘ebwaegu, ta ‘u da tagwaregu be ia tauia: ‘igu guinua ‘enega ‘emuia ia guiguinua ‘u mwaratonina ta ‘enega.

Nugana 29:19

Ta Labana ‘i gwae, ‘I bobo‘ana ia da ‘ebwaea‘ena ‘emuia, ta gea‘abo mari tai ‘ena ia da ‘ebwa‘ebwae: ‘u da miami ma‘ieagu.

Nugana 31:15

Nigea nai ‘a eto‘u‘umara ‘ina nuenega? ‘i gimwaniema ta ‘enega, ta wate ‘ama e‘isa ‘i loegumwarina.

Nugana 29:27

Tauna gete ‘ana wiki ‘u da loegumwarina, ta ‘ana e rua wate ‘a da ‘ebwaemu guinua nina ‘u da guinua ‘eguia iakwara wate e sebeni.

Nugana 29:30

Ta Rakela wate ‘ena ‘i rugu, ta Rakela wate ‘i obobomena wawasae Lea ‘enaia, ta wate iakwara ‘e sebeni ‘i guinua ma‘ieana.

Nugana 34:19

Ta tubuau nina nigea iage gete manuna ‘i iamwaiamwa, Iakobo natuna me wainena nuana i ‘ewena ta ‘enega; ta tai si ‘amaiabena wawasae tamana ‘ina anua ‘ana tomianao iauiaudi ‘edia.