Nugana 28:2 - Buki Tabu Lowaenei 1919

² ‘U da tooro, ta Padanarama ‘ena ‘u da tauia, Botuela sinaio tamana ‘ina anua ‘enaia; ta gote ‘enega mwaneio ‘u da ‘au‘ewa Labana sinaio nuuna natunao ‘ediega.

Nugana 28:2 Referans Kwoze

Nugana 25:20

ta Isaako ‘ana iakwara ‘e poti ga Rebeka ‘i aina, tauna Betuela goma Siria me Padanarama natuna, Labana goma Siria nuuna.

Nugana 46:15

Getedi Lea natunao me‘olotodi, taudi ‘i enatunedi Iakobo ‘ena Padanarama ‘enaia, Dina natuna me wainena ma‘ieana: natunao me‘olotodi ta natunao mewainedi iaruiarua iauiaudi e tati teri.

Nugana 35:9

Ta Eaubada ‘i apwesa limana Iakobo ‘enaia, ‘ena Padanaramega ‘i mai, ta ‘i onaobobomena.

Nugana 32:10

‘imu nua‘ole‘ole iauiauna, ta ‘imu ona‘ai‘aila iauiauna, taudi ‘imu toguinua ‘ena u ‘e‘ita, ‘Abo‘agu nigea sawesaweguia ‘e bweuna me gidarina; ma‘igu guna Ioridana gete ia taonina ta ‘enega; ta gete ‘abo‘agu ni‘atu boda ‘e rua.

Nugana 28:5

Ta Isaako Iakobo i ‘etunena: ta Padanarama ‘ena ‘i tauia, Labana ‘enaia, tauna Betuela goma Siria natuna, Rebeka, Iakobo ta Esau sinadi, nuuna.

Nugana 24:50

Ga Labana ta Betuela si onalimana ta si gwae, Iage gete Ieoba ‘enega ‘i apwesama: nigea kapekapeana to‘umalina nai bobo‘ana ‘a da ona‘emuia.

Nugana 24:29

Ta Rebeka nuuna ‘e bweuna, ta ‘ana esana Labana: ta Labana ‘i pili apwesa tai ‘ena, wewerupwa ‘enaia.

Nugana 24:10

Ta ‘ari‘ei nina kameli e sanau i ‘ewedi, ‘ina ‘inapwana ‘ina kameliao ‘ediega, ta ‘i tauia; ‘ina ‘inapwana ‘ina gwegwe iauna nimanaia; ta ‘i tooro, ta ‘i tauia Mesopotamia ‘enaia, Naora ‘ina ‘asa ‘enaia.

Nugana 31:18

ta ‘ina iobai iauiaudi i ‘ewedi, ta ‘ina gwegwe iauiauna ‘i egogonedi, ‘ina iobai tauna ‘i lobelobedi, taudi ‘i egogonedi Padanarama ‘enaia, be ‘enega ‘i da tauia tamana Isaako ‘enaia ‘asa Kanania ‘enaia.

Nugana 29:1

Ga Iakobo ‘i tauia, ta bomatu natunao ‘idi ‘asa ‘ena ‘i mai.

Nugana 33:18

Ta Iakobo ‘asa Sekema ‘ena ‘i mai guguiega, tauna esena Kanania ‘ena ‘i miami, ‘ena ‘i mai Padanaramega; ta ‘asa matanaia i ‘abi anua.

Nugana 24:4

ta ‘igu ‘asa ‘ena ‘u da tauia, ta ‘igu bu‘unao ‘edia, ta natugu Isaako manuna mwanena ‘u da ‘au‘ewa.