Nugana 28:19 - Buki Tabu Lowaenei 1919

¹⁹ Ta esena nina ‘i eesena Betela: ta ‘asa nina ‘ana esana nugana Lusa.

Nugana 28:19 Referans Kwoze

Nugana 48:3

Ta Iakobo ‘i ona Iosepa ‘enaia, Eaubada Toewaiwaisana ‘i apwesa ‘eguia Lusa ‘enaia ‘asa Kanania ‘enaia, ta ‘i onaobobomegu,

Nugana 35:1

Ta Eaubada ‘i ona Iakobo ‘enaia, ‘U da tooro, Betela ‘ena ‘u da tu‘e, ta ‘ena ‘u da miami: ta nada ‘ebetaria ‘u da ‘abina Eaubada ‘ena, tauna ‘emuia ‘i apwesa ‘ena ‘u denadena Esau tasio matanega.

Nugana 12:8

Ta gote ‘enega ‘i logara ‘oea ‘enaia Betela ga bomatu ‘ena, ta ‘ina anua i ‘abina, Betela ‘ebwaga ‘ena ‘i miami, ta Ai bomatu ‘ena: ta nada Ieoba ‘ena ‘ebetaria i ‘abina, ta Ieoba ‘ana esana i ‘inanena.

Nugana 28:11

Ta ‘e bweu esena ‘ena ‘i apwesa, ta ‘ena ‘i mia masarina, sinara ni‘atu ‘i sopu ta ‘enega; ta esena nina gurewana ‘e bweu i ‘ewena, ta debana ‘agaraunaia ‘i sa‘una, ta ‘esena gote ‘ena i ‘eno‘eno sabi ‘enomwataia.

Nugana 31:13

‘Abo‘agu Betela ‘ana Eaubada, ‘ena ‘ora ‘u siwarorona, ‘ena ‘eguia ona‘upa‘upa u ‘inanena: gete tuga ‘u da tooro, ‘asa gete ‘enega ‘u da tauia, ta ‘imu ‘asa ‘ena ‘u tubua ‘ena ‘u da ‘ila.

Nugana 35:6

Ta ‘enega Iakobo ‘i apwesa Lusa ‘enaia, tauna esena Kanania ‘ena ‘i miami (tauna Betela), tauna ta tomota iauiaudi ma‘enao si miami.

Nugana 35:14

Ta Iakobo esena nina ‘ena ‘i onaona ma‘ieana ‘ena ‘ora ‘i gietooro, ‘ora gurewa: ta ‘ebwaeadaita numanumana ‘i siwena ‘enaia, ta bunama ‘i siwena ‘enaia.

Nugana 35:15

Ta Iakobo esena nina ‘ena Eaubada ‘i onaona ‘enaia, ‘i eesena Betela.

Nugana 35:7

Ta ‘ena ‘ebetaria i ‘abina, ta esena nina ‘i eesena Elabetela: ‘ena Eaubada ‘i apwesa ‘enaia ta ‘enega, ‘ena tasina matanega ‘i denadena.