Nugana 28:15 - Buki Tabu Lowaenei 1919

¹⁵ Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Nugana 28:15 Referans Kwoze

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 31:3

Ta Ieoba Iakobo ‘ena ‘i ona, Tubumuao ‘idi ‘asa ‘ena ‘u da ‘ila, ta ‘imu bu‘unao ‘edia; ta ‘abo‘agu ma‘ieaio.

Nugana 26:3

‘asa gete ‘ena ‘u da mia, ta abo‘agu ma‘ieaio, ta ia da onaobobomeio; ‘emuia ta ‘enega, ta tubumuao ‘edia, ‘asa iauiauna getedi ia da ‘ebwaea‘edi, ta ‘ona‘upa‘upa tauna tamaio Aberaamo ‘ena ia ona‘upa‘upa ia da giepa‘ari;

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Salamo 46:7

Bodao ‘idi Ieoba ‘i miami ma‘eda; Iakobo ‘ina Eaubada ‘ida ‘ebedena. (Sela.)

Nugana 48:21

Ta Iseraela ‘i ona Iosepa ‘enaia, U ‘ita, ia mwamwawasa: ta Eaubada ma‘emi wa da miami, ta tubumiao ‘idi ‘asa ‘ena ‘i da ‘au‘ewalimemi.

Isaia 8:10

Wa da eonaona rererea, ta nigea ‘e bweu iage; ona wa oneone, ta gea‘abo ‘i da tooro: Eaubada ma‘eda ta ‘enega.

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Salamo 46:11

Bodao ‘idi Ieoba ‘i miami ma‘eda; Iakoba ‘ina Eaubada ‘ida ‘ebedena. (Sela.)

Nugana 39:21

Ta Ieoba Iosepa ma‘ieana, ta i ‘atenu‘ole‘oleiena, ta anua ‘ebeiona ‘ana to‘ita‘i‘ita matanaia ‘ana nuanuana ‘i sa‘una.

Nugana 39:2

Ta Ieoba Iosepa ma‘ieana, ta ‘i e tai sinabwa; ta ‘ina ‘inapwana goma Aigupito ‘ina anuaia ‘i miami.

Si Apwesa 3:12

Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Nugana 48:16

Anelose nina tauna to‘umalina iauiauna ‘ediega ‘i li‘amigu, tubuau nidi ‘i da onaobobomedi; ta ‘agu esana si da ‘inana ‘edia, ta tamaguao Aberaamo ta Isaako ‘adi esana; ta bare‘u gamwanaia si da sinabwa be si da ‘e boda sinabwana.

Nugana 32:9

Ta Iakobo ‘i gwae, Ie tubugu Aberaamo ‘ina Eaubada, ta tamagu Isaako ‘ina Eaubada, Ieoba ie, tauio ‘u eonegu, ‘Imu ‘asa ‘ena ‘u da ‘ila, ta ‘imu bu‘unao ‘edia, ta ia da giebobo‘aneio:

Nugana 46:4

‘Abo‘agu ia da mwa‘uta ma‘ieaio Aigupito ‘enaia; ta wate ia da ‘au‘ewatu‘e limanemuma ai‘aila: ta Iosepa nimana ‘i da sa‘u mataio ‘edia.

Nugana 21:20

Ta Eaubada goama ma‘ieana, ta ‘i sinabwa; ta mitawaia ‘i miami, ta i ‘e to tupu.

Nugana 31:5

ta ‘i eonedi, Tamami maninina ia ‘itena, nigea ‘eguia nadigega tuta lowa; ta tamagu ‘ina Eaubada ma‘ieagu ‘a miami.

Nugana 31:13

‘Abo‘agu Betela ‘ana Eaubada, ‘ena ‘ora ‘u siwarorona, ‘ena ‘eguia ona‘upa‘upa u ‘inanena: gete tuga ‘u da tooro, ‘asa gete ‘enega ‘u da tauia, ta ‘imu ‘asa ‘ena ‘u tubua ‘ena ‘u da ‘ila.

Nugana 35:3

be ta da tooro, ta Betela ‘ena ta da tu‘e; ta ‘ena ‘ebetaria ia da ‘abi Eaubada ‘enaia, tauna ‘eguia ‘i onalimanama ‘igu dedoi ‘ina ‘asiata ‘enega, ta ‘edega ia tautauia tauna ma‘ieagu.

Si Apwesa 13:11

Ta ‘ena Ieoba ‘i da ‘au‘ewemu ‘asa Kanania ‘enaia, na‘ieana ‘i ona‘upa‘ups ‘emuia ta tamamiao ‘edia, ta ‘i da ‘ebwaea‘ena ‘emuia,

Nugana 30:25

Ta gete ‘i apwesa, ni‘atu Rakela Iosepa ‘i enatunena, ga Iakobo ‘i ona Labana ‘enaia, ‘U da ‘etunegu, be ‘enega ia da tauia ‘igu esena ‘enaia, ta ‘igu ‘asa ‘enaia.

Loina 26:42

Ga ‘igu ona‘upa‘upa Iakobo ma‘ieagu ia da nua‘i‘isina; ta wate ‘igu ona‘upa‘upa Isaako ma‘ieagu, ta wate ‘igu ona‘upa‘upa Aberaamo ma‘ieagu ia da nua‘i‘isina; ta bwa‘a ia da nua‘i‘isi.

Loina 26:45

Ta leleadi tubudiao ‘idi ona‘upa‘upa ia da nua‘i‘isina, taudi ia ‘au‘ewedima ‘asa Aigupitoega ‘ebeloinao matadia, be ia da ‘idi Eaubada: ‘Abo‘agu Ieoba.

Salamo 91:11

‘Ina aneloseao ‘i da emataruedi manuio, Be si da ‘ita‘i‘isiio ‘imu ‘eda iauiaudi ‘edia.