Nugana 27:28 - Buki Tabu Lowaenei 1919

²⁸ Ta garewa ‘ina gagunega Eaubada ‘i da ‘ebwaemu, Ta bare‘u ‘ana iapega, Ta witi ta oine iauna:

Nugana 27:28 Referans Kwoze

Salamo 133:3

Nadigega Erimona gagunina, Tauna ‘i mwa‘utama Siona ‘ina ‘oeao ‘edia: Gote ‘ena Ieoba onaoboboma ‘i oneone, Tuga iawasida ‘ataia.

Isaia 45:8

‘Omi garewao, wa da pesuma, ‘etanega, ta garewa bubuna paruparu ‘i da siwa mwa‘utena: bare‘u ‘i da egegena, be ‘enega ‘etoseana si da uaua, ta bubuna paruparu ‘i da gietabwa rererea; ‘Abo‘agu Ieoba ni‘atu ia mweruruina.

Salamo 104:15

Ta oine tauna tai ‘atena ‘i gieguausoarina, Ta bunama be maninina ‘i da lo‘ega‘egaga, Ta masura tauna tai ‘atena ‘i giepa‘ari.

Salamo 36:8

Si da bobo‘ana wawasae ‘imu anua iapana ‘enega; Ta ‘u da enumedi ‘imu guausoara ‘adi boasi ununega.

Nugana 49:20

Asera ‘enega ‘ina masura ‘i da momonana, Ta ‘e‘ai esaesa ‘i da tagware.

Nugana 45:18

ta tamami ta ‘imi susuiao wa da ‘au‘ewedi, ta ‘eguia wa da mai: ta ‘asa Aigupito ‘ana bobo‘ana ia da ‘ebwaemi, ta ‘asa ‘ana momonanina wa da e‘ani.

Nugana 27:39

Ta tamana Isaako ‘i onalimana ta ‘ena ‘i gwae, U ‘ita, bare‘u ‘ina iapa ‘enega ‘imu anua ‘i da miami, Ta garewa etanega ‘ina gaguna ‘enega;

Nugana 27:37

Ta Isaako ‘i onalimana ta Esau ‘ena ‘i ona, U ‘ita, ni‘atu ia bubuna be ‘i da e ‘imu ‘inapwana, ta tasinao iauiaudi ia ‘ebwaea‘edi ‘ena toguinuao manuna; ta witi ta oine ‘ediega ia lemena: ga to‘ase ia da guinua manuio, natugu?

Nugana 49:25

Tamaio ‘ina Eaubada ‘enega, Tauna ‘i da lemeio, Ta Toewaiwai sana ‘enega, Tauna ‘i da onaobobomeio, Onaoboboma garewa ‘etanaia ‘ediega, Onaoboboma ni‘uia tauna ‘ubunaia i ‘eno‘enokwaia ‘ediega, Susu matana, ta gamwa ‘ebetubua ‘adi onaoboboma ‘ediega.