Nugana 26:31 - Buki Tabu Lowaenei 1919

³¹ Ta gonagonaia si tooro, ta ‘e bweuna ‘ebweuna ‘ena si ona‘upa‘upa: ta Isaako i ‘etunedi, ta guguiega si pilisinena.

Nugana 26:31 Referans Kwoze

Nugana 31:44

Ta gete tuga ‘u da mai, ‘ona‘upa‘upa ta da bubuna, ‘abo‘agu ta ‘oio; ‘i da ‘ebe‘ita ‘eguia ta ‘emuia.

Nugana 25:33

Ta Iakobo ‘i gwae, Batua ‘eguia ‘u da ona‘upa‘upa; ta ‘i ona‘upa‘upa ‘enaia: ta ‘ina tomatua ‘i gimwaneiena Iakobo ‘enaia.

Nugana 31:55

Ta Labana ‘i unuboi, ta natunao me‘olotodi ta natunao mewainedi i ‘awamuidi, ta ‘i onaobobomedi: ta Labana ‘i tauia, ta ‘ina esena ‘ena i ‘ila.

Nugana 22:3

Ta Aberaamo ‘i unuboi, ta ‘ina ase ‘ana ‘ebegeru ‘i sa‘una, ta ‘ina tubuau ‘e rua i ‘au‘ewedi ma‘enao, ta Isaako natuna; ta kaiwe ‘i gesina ‘ebwaeadaita gabugabuna manuna, ta ‘i tooro, ta esena nina manuna Eaubada ‘ena ‘i simana ‘ena ‘i tauia.

Nugana 21:23

ta ‘enega gete tuga ‘u da ‘ona‘upa‘upa gete ‘ena ‘eguia Eaubada ‘enega ‘aene gea‘abo ‘u da bubuna kakokabo ma‘ieagu, nai natugu ma‘ieaio, nai tubugu ma‘ieaio: ta na‘ieana nua‘ole‘ole ‘emuia ia guinua, ‘oio ‘u da guinua ‘eguia, ta bwa‘a nina ‘enaia ‘ena ni‘atu ‘u miami.

Nugana 21:14

Ta Aberaamo ‘i unuboi, ta masura ta boasi mabwarana i ‘ewedi, ta Agari ‘ena i ‘ebwaena, ‘a‘aranaia i sa‘una, ta goama, ta ‘i etunena: ta ‘i tauia, ta mitawa Beeriseba ‘ena ‘i lopilidadana.

Nugana 19:2

ta ‘i gwae, Gete ‘enega wa ‘ita, ‘igu ‘inapwanao, ia sidemi, ‘imi ‘ari‘ei ‘ina anuaia wa da rugu, ta wa da mia masari, ta ‘aemi wa da ‘utui, ta wa da ‘unuboi, ta wa da tauia. Ta si gwae, Nigea; ta ‘atamanaia ‘a da mia masari.

Nugana 14:22

Ta Aberamo Sodoma ‘ana king ‘ena ‘i ona, Ni‘atu nimagu ia gitu‘eiena Ieoba ‘enaia, Eaubada Tolo‘etanasana, toni‐garewa ta toni‐bare‘u,

Nugana 21:27

Ta Aberaamo sipi ta bulomakau i ‘ewedi, ta Abimeleka ‘ena i ‘ebwaea‘edi; ta siterua ‘ona‘upa‘upa si bubuna.

Nugana 26:32

Ta tauna ‘asiata nina gete ‘i apwesa, Isaako ‘ina toguinuao si mai, ta wewerupwa ni‘atu si salena manuna ‘ena si simana, ta si eonena, Ni‘atu boasi ‘a lobena.