Nugana 25:7 - Buki Tabu Lowaenei 1919

⁷ Ta getedi Aberaamo iawasina ‘ana iakwara ‘adi ‘asiata ‘ediega ‘i miami, iakwara ‘e wan anaredi ta sikisiti ta pipitini.

Nugana 25:7 Referans Kwoze

Nugana 12:4

Ta ‘enega Aberamo ‘i tauia, na‘ieana Ieoba ‘ena ‘i gwaegwae; ta Lota ‘i tauia ma‘ieana: ta Aberamo tuta nina Aranega ‘i tauiawa ‘ana iakwara ‘e sebeniti paibe.

Nugana 47:9

Ta Iakobo ‘i ona Parao ‘enaia, ‘Igu mia dadana ‘ana iakwarao ‘adi asiata iakwara e wan anaredi ta tati: iawasigu ‘ana iakwarao ‘adi ‘asiatao pu‘epu‘edi ta to‘umalidi, ta tamaguao iawasidi ‘adi iakwarao ‘adi ‘asiatao ‘idi mia dadana ‘adi asiata ‘edia, nigea ‘edia si apweapwesa.

Nugana 35:28

Ta Isaako ‘ana tuta iakwara e wani anaredi ta tomo‘ata.

Nugana 35:29

Ta Isaako iaruiaruana ‘i apwesa, ta ‘i mwawasa, ta ‘ina tomota ‘edia ‘i egogona, ‘i e tai sinabwa ta ‘ana tuta ‘i dudura: ta natunao me‘olotodi Esau ta Iakobo si sa‘una.

Nugana 47:28

Ta Iakobo ‘asa Aigupito ‘ena ‘i miami ga iakwara ‘e sebenitini: ga Iakobo ‘ana asiatao, iawasina ‘ana iakwarao, ‘e wan anaredi ta poti ta sebeni.

Nugana 50:26

Ga Iosepa ‘i mwawasa, ‘ana tuta iakwara ‘e wan anaredi ta teni: ta si giedibidibina, ta kokoa ‘ana dedewaga ‘ena si sa‘una Aigupito ‘enaia.