Nugana 24:31 - Buki Tabu Lowaenei 1919

³¹ Ta ‘i gwae, ‘U da ruguma, ‘oio Ieoba ‘ana obooboboma; to‘ase manuna ‘u tootooro etauluia? anua ni‘atu ia bubuna ta ‘enega, ta kameli ‘idi sena.

Nugana 24:31 Referans Kwoze

Ruta 3:10

Ta ‘i gwae, Natugu, Ieoba ‘i da obobomeio: muria ‘imu nua‘ole‘ole ‘u e‘ita sinabwa wawasae nugana ‘enaia, tubuau nigea ‘u muriedi ta ‘enega, nai gomagomabesodi nai esaesadi.

Nugana 26:29

‘Aene gea‘abo to‘umalina ‘e bweu ‘u da guinua ‘emaia, na‘ieana nigea ‘e bweu to‘umalina ‘emuia ‘a guiguinue, ta na‘ieana bubuna bobo‘ananamo ‘emuia ‘a guinuena, ta a ‘etunemu guguiega: ‘oio gete tuga Ieoba oboobobomina.

Salamo 115:15

‘Omi oboobobomimi Ieoba ‘enega, Tauna garewa ta bare‘u ‘i mweruruidi.

Nugana 18:3

ta ‘i gwae, ‘Igu ‘inapwana, ‘abo gete matamuia ia bobo‘ana, ia sideio, gea‘abo ‘u da ‘ataona ‘imu ‘ari‘ei ‘enega:

Nugana 19:2

ta ‘i gwae, Gete ‘enega wa ‘ita, ‘igu ‘inapwanao, ia sidemi, ‘imi ‘ari‘ei ‘ina anuaia wa da rugu, ta wa da mia masari, ta ‘aemi wa da ‘utui, ta wa da ‘unuboi, ta wa da tauia. Ta si gwae, Nigea; ta ‘atamanaia ‘a da mia masari.

Nugana 19:3

Ta ‘i eonedi sinabwana; ta ‘ena si nao, ta ‘ina anua ‘ena si rugu; ta ‘e‘ai sinabwana ‘edia ‘i bubuna, ta palaua nigea malebeninamo ‘i gabuna, ta si ‘ai.

Nugana 24:30

Ta gete ‘i apwesa, ni‘atu ubusuporoporo giimweiina i ‘itena, ta nimapasapasa nidi nuuna nimanaia, ta ni‘atu nuuna Rebeka ‘ina ona ‘i nonona, ‘i gwae, Gete nadigega tai nina ‘eguia ‘i ona; ga tai ‘ena ‘i mai; ta, wa ‘ita, kameli deidia ‘i tooro wewerupwa ‘enaia.

Nugana 29:13

Ta gete ‘i apwesa, ni‘atu Labana Iakobo nuuna natuna ‘ana tetera ‘i nonona, ga ‘i pili sabi lobena, ta i ‘atubwailina, ta i ‘awamuina, ta ‘ina anua ‘ena ‘i me‘ena. Ta iage getedi iauiauna ‘i simana Labana ‘enaia.