Nugana 23:9 - Buki Tabu Lowaenei 1919

⁹ Be ‘enega gaula Makipela ‘i da ‘ebwaegu, tauna ‘ina gaula, tauna ‘ina tanoa ‘ana ‘ebelosa‘u ‘enaia; ‘ana e‘isa ‘ai‘aila manuna ‘i da ‘ebwaegu gamwagamwanimia ‘ari‘ari ‘ana esena manuna.

Nugana 23:9 Referans Kwoze

Nugana 23:4

‘Abo‘agu to‘u‘umara ta to sugaragara ‘emia: ‘ari‘ari ‘ana esena ‘e bweuna ‘emiega wa da ‘e bwaegu, be ‘enega ‘igu to‐kwaia ia da sa‘u mataguiega.

Nugana 23:8

Ta ma‘enao ‘i eonaona, ‘i gwae, ‘Abo nuami ‘aene ‘igu to‐kwaia ia da sa‘u mataguiega, wa da nonogu, ta manugu wa da ‘awanoi, Eperona Soaa natuna ‘enaia,

Nugana 23:10

Ta Eperona Eta natunao gamwagamwanidia ‘i miatoa: ta Eperona goma Eta Aberaamo ‘ena ‘i onalimana ta Eta natunao si nonona, iauiaudi ‘ina ‘asa ‘ana ‘awa ‘ena si rugu, ‘i gwae,

Nugana 25:10

tauna tanoa nina Aberaamo ‘i lagwena Eta natunao ‘ediega: gote ‘ena Aberaamo si sa‘una, ta mwanena Sara.

Nugana 49:29

Ta ‘i emataruedi, ta ‘i ona ‘edia, ‘Abo‘agu ‘i abe ia miaegogona ‘igu tomota ma‘edi: tamaguao ‘edia wa da sa‘ugu gaula nina ‘enaia tauna Eperona goma Eta ‘ina tanoa ‘ena ‘i miami;

Nugana 50:13

natunao si ‘a‘arina ta ‘enega ‘asa Kanania ‘enaia, ta si sa‘una tanoa Makipela gaulina ‘enaia, tauna Aberaamo ‘i lagwena tanoa ma‘ieana, ‘ari‘ari ‘ana esena manuna, Eperona goma Eta ‘enega, Mamire nuganinaia.