Nugana 22:2 - Buki Tabu Lowaenei 1919

² Ta ‘i ‘ona, Gete tuga natuio ‘u da ‘au‘ewa, natuio me‘olotona tebweuna, tauna ‘u obobomena, tauna Isaako, ta ‘asa Moria ‘ena ‘u da tauia; ta ‘ena ‘u da ‘ebwaea‘ena ‘ebwaeadaita gabugabuna manuna ‘e bweu ‘oea manuna ‘emuia ia da simana ‘enaia.

Nugana 22:2 Referans Kwoze

Nugana 22:16

ta ‘i gwae, Ieoba ‘i ona, Taugu ‘enega ia ona‘upa‘upa ni‘atu, iage gete ni‘atu ‘u guinuena ta ‘enega, ta natuio me‘olotona, natuio tebweuna nigea ‘u egagarena,

Nugana 17:19

Ta Eaubada ‘i gwae, Nigea, ta Sara mwaneio natuio me‘olotona ‘i da enatunena; ta ‘u da eesena Isaako: ta ‘igu ona‘upa‘upa ia da sa‘u ma‘ieana ona‘upa‘upa ‘ataia manuna tubunao manudi murinega.

Nugana 22:12

Ta ‘i gwae, Gea‘abo nimamuiega goama ‘u unuunui, ta gea‘abo ‘e bweu iage ‘ena ‘u da guiguinue: gete ‘enega ia mwaratoni ta ‘enega ‘oio Eaubada ‘u matautena, natuio me‘olotona, natuio tebweuna, ‘eguiega nigea ‘u egagare ta enega.

Nugana 21:12

Ta Eaubada Aberaamo ‘ena ‘i ona, Gea‘ abo matamuia ‘i da mwau goama me‘olotona nina manuna, ta ‘imu waine‐ioniionina manuna; iage iauiauna ‘enega Sara ‘i eonaio, ‘enana ‘u da nono; Isaako ‘ena tubumuao si da eesedi.

Nugana 8:20

Ta Noa ‘ebetaria i ‘abina Ieoba ‘ena; ta bomitawa ‘esasena iauna, ta manua ‘esasena iauna, ‘ediega i ‘ewedi, ta ‘ebwaeadaita gabugabuna i ‘ebwaea ‘ebetaria ‘enaia.

Nugana 22:3

Ta Aberaamo ‘i unuboi, ta ‘ina ase ‘ana ‘ebegeru ‘i sa‘una, ta ‘ina tubuau ‘e rua i ‘au‘ewedi ma‘enao, ta Isaako natuna; ta kaiwe ‘i gesina ‘ebwaeadaita gabugabuna manuna, ta ‘i tooro, ta esena nina manuna Eaubada ‘ena ‘i simana ‘ena ‘i tauia.

Nugana 22:9

Ta esena nina manuna Eaubada ‘ena ‘i simana ‘ena si apwesa; ta ‘ena Aberaamo ‘ebetaria i ‘abina, ta kaiwe ‘i sa‘u ‘ai‘ailina, ta natuna Isaako ‘i ionina, ta ‘ebetaria ‘ena ‘i e‘enoina, kaiwe ‘enaia.

Nugana 21:3

Ta Aberaamo natuna me‘olotona ‘ena ‘i tubua, tauna Sara ‘ena ‘i enatunena, ‘i eesena Isaako.