Nugana 22:17 - Buki Tabu Lowaenei 1919

¹⁷ ga onaoboboma ‘enega ia da onaobobomeio, ta gieiau ‘enega tubumuao ia da gieiau na‘ieana kwadimao garewaia, ta na‘ieana kaukau le‘awa ‘enaia; ta tubuio ‘ana tarauwarao ‘adi ‘awa ‘i da ‘ewena;

Nugana 22:17 Referans Kwoze

Nugana 15:5

Ta i ‘au‘ewa apwesena, ta ‘i gwae, Garewa ‘ena ‘u da ‘ita, ta kwadima ‘u da sawedi, ‘abo ‘u ewaiwai be ‘u sawedi: ta ‘i eonena, Gote nadigega tubumuao.

Nugana 13:16

Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi.

Nugana 26:4

ta tubumuao ia da gieiau ‘atua garewa ‘ina kwadimao, ta ‘asa iauiauna getedi tubumuao ‘edia ia da ‘ebwaeaedi; ta tubuio ‘enega bare‘u ‘ina ‘asa iauiauna si da bobo‘ana;

Nugana 24:60

Ta Rebeka si onaobobomena, ta si eonena, Nuumai, ‘u da ‘e teni tausana matausanao sinadi, ta tubumuao ‘adi tarauwarao ‘idi ‘eberugu si da ‘ewedi.

Nugana 32:12

Ta ‘u ona, ‘Ai‘aila ia da giebobo‘aneio, ta tubumuao ia da bubudi be si da e ora ‘ina kaukau ‘atua, ‘ana iau iaudidigana ‘enega nigea kapekapeana ‘u da sawa.

Nugana 28:3

Ta Eaubada Toewaiwaisana ‘i da onaobobomeio, ta ‘i da bubuio be ‘u da uaua, ta ‘i da gieiauiemu, be ‘enega ‘u da e tomota mabodana;

Nugana 17:6

Ta ia da bubuio be ‘u da uaua sinabwana, ta ‘ebeloinao ia da bubudi ‘emuiega, ta kiniao ‘emuiega si da apwesama.

Nugana 12:2

ta ‘asa sinabwana ‘emuiega ia da bubuna, ta ia da onaobobomeio, ta ‘amu esana ia da bubuna be ‘i sinabwa; ta ‘oio ‘u da e ‘ebebobo‘ana:

Nugana 25:11

Ta Aberaamo ‘ina mwawasa murinaia, ga Eaubada natuna Isaako ‘i onaobobomena; ta Isaako ‘i miami Beeri‐laai‐roi ‘enaia.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 28:4

ta Aberaamo ‘ina onaoboboma ‘i da ‘ebwaemu, ‘emuia, ta tubuio ma‘emuao; be ‘enega ‘imu mia dadana ‘adi esena ‘u da ‘ewena, tauna Eaubada i ‘ebwaea Aberaamo ‘ena.

Nugana 32:13

Ta boiboi gote nada i ‘eno; ta ‘ina iage ‘enega ‘ebwaeadaita i ‘ewena tasina Esau manuna;

Si Apwesa 32:13

Aberaamo, Isaako, Iseraela be, ‘imu toguinuao, ‘u da nua‘i‘isidi, taudi ‘edia ‘u ona‘upa‘upa taumumo ‘emuiega, ta ‘u eonedi, Tubumuao ia da gieiau garewa ‘ina kwadima ‘atua, ta ‘asa gete maibo‘ana ni‘atu manuna ia gwaegwae tubunao ‘edia ia da ‘ebwaea, ta si da ‘ewa be ‘idi iage ataia.

Isaia 48:19

Tubumuao wate si da kaukau ‘atua, ta diaio uana nadigega kaukau matanao: ‘ana esana gea‘abo si da ‘upwa iaulei nai ‘i da saoora mataguiega.