Nugana 21:17 - Buki Tabu Lowaenei 1919

¹⁷ Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega.

Nugana 21:17 Referans Kwoze

Nugana 16:11

Ta Ieoba ‘ina anelose ‘ena ‘i gwae, U ‘ita, u ‘euwana, ta me‘olotona ‘u da enatunena: ta ‘u da eesena Isimaela, ‘imu elo‘uia Ieoba ‘i nonona ni‘atu ta ‘enega.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 22:1

Madawara sa‘arina ‘ana ona. To‘ase ‘i apwesa ‘emuia gete ‘enega, ga ‘u tu‘e maibo‘ana anua debadia?

Salamo 65:2

‘Oio sidasida ‘u nonona, ‘Emuia esio maibo‘ana ‘i da mai.

Si Apwesa 22:27

Tauna tebweuna ‘ana ‘aubodaboda, bwarana ‘ana ‘oama: mane ‘enega ‘i da ‘eno? Ta gete ‘i da apwesa, ‘ena ‘eguia ‘i bwau, ga ia da nono; ‘Abo‘agu to ‘atenua‘ole‘ole ta ‘enega.

Si Apwesa 22:23

‘Abo ‘e bweu iage ‘enega ‘u giedeedeedonidi, ta si bwau gidarina ‘eguia, ‘idi bwau ia da nono ‘ai‘aila;

Si Apwesa 14:13

Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.

Nugana 46:3

Ta ‘i ona, ‘Abo‘agu Eaubada, tamaio ‘ina Eaubada: mwa‘uta Aigupito ‘enaia gea‘abo ‘u matamatautena; ‘ena ia da bubuna ‘emuia be ‘u e‘asa sinabwana ta ‘enega:

Nugana 16:9

Ta Ieoba ‘ina anelose ‘ena ‘i gwae, ‘Imu ilemwaia ‘ena ‘u da ‘ila, ta nimanaia ‘u da tagwareio.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 16:7

Ta Ieoba ‘ina anelose ‘i lobena wewerupwa deinaia mitawaia, wewerupwa ‘eda Sura ‘ena deinaia.

Nugana 22:11

Ta Ieoba ‘ina anelose garewega ‘ena ‘i bwau, ta ‘i gwae, Aberaamo, Aberaamo: ta ‘i ona, Abo‘agu.

Nugana 24:7

Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Si Apwesa 3:2

Ta Ieoba ‘ina anelose ‘ena ‘i apwesa awesabelulu ‘enaia kaiwe soranega: ta i ‘ita, ta, wa ‘ita, kaiwe i ‘ara‘arata, ta kaiwe ‘awe nigea ‘i da ‘enina.

Salamo 6:8

‘Eguiega wa da tauia, ‘omi iauiaumi bubuna bokobokona wa guiguinue; ‘Igu dedo ‘enana Ieoba ni‘atu ‘i nonona ta ‘enega.

Nugana 16:8

Ta ‘i gwae, Agari, Sarai ‘ina toguinua mewainena, mwa‘adega ‘u mai? ta mwa‘o ‘u tautauia? Ta ‘i gwae, ‘Igu ilemwaia Sarai matanega ia denama.

Salamo 10:14

Ni‘atu u ‘itena; wasegigi ta nuanuato‘umali u ‘itena ta ‘enega, sabi ‘ewena nimaio ‘enaia: Tauna nigea ‘ana to‐lemamo ‘i tagwarena tauna ‘emuia; ‘Oio pesieda nigea tamadimo ‘idi to‐lema.