Nugana 21:1 - Buki Tabu Lowaenei 1919

¹ Ta Ieoba Sara ‘ena ‘i apwesa na‘ieana ‘i onaona, ta Ieoba Sara ‘ena ‘i guinua na‘ieana ‘i gwaegwae ni‘atu.

Nugana 21:1 Referans Kwoze

Salamo 12:6

Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.

Nugana 18:10

Ta ‘i ona, Ni‘atu tuta ‘i apwesama ga ‘emuia ia da ‘ila ‘ai‘ailama; ta, u ‘ita, Sara mwaneio natuna me‘olotona ‘i da enatunena. Ta Sara anua ‘awanaia, tauna ‘i mia muria, ga ‘i nonona.

Nugana 18:14

‘E bweu iage ‘i mwauwawasae Ieoba ‘enaia? Tuta ‘ai‘aila ‘enega ‘emuia ia da ‘ilama, ‘ena tuta ‘i apwesama, ta Sara natuna me‘olotona ‘i da enatunena.

Nugana 17:19

Ta Eaubada ‘i gwae, Nigea, ta Sara mwaneio natuio me‘olotona ‘i da enatunena; ta ‘u da eesena Isaako: ta ‘igu ona‘upa‘upa ia da sa‘u ma‘ieana ona‘upa‘upa ‘ataia manuna tubunao manudi murinega.

Ruta 1:6

Ga ‘i tooro lawanao ma‘enao, ‘aene ‘asa Moabega ‘i da ‘ila: ‘asa Moaba ‘ena ‘i nonona ta ‘enega ‘aene Ieoba ‘ina tomota i ‘atenua‘ole‘oleiedi, masura i ‘ebwa‘edi.

Nugana 50:24

Ta Iosepa ‘i ona tasinao ‘edia, Ia mwamwawasa: ta Eaubada ‘emia ‘i da apwesa ‘ai‘aila, ta ‘asa gete ‘enega ‘i da ‘au‘ewa tu‘eiemi ‘asa nina ‘enaia tauna ‘i onaona‘upa‘upa‘ena Aberaamo ‘ena, Isaako ‘ena, Iakobo ‘ena ta.

Nugana 17:21

Ta ‘igu ona‘upa‘upa Isaako ma‘ieana ia da sa‘ui, tauna Sara ‘i da enatunena ‘emuia gete tuta nina iakwara nina ‘i memai ‘enaia.

Nugana 17:16

Ta ia da onaobobomena, ta wate ‘enega natuio me‘olotona ia da ‘ebwaeio: tamo, ia da onaobobomena, ta tauna ‘i da ‘asa sinadi; ‘enega tomota ‘idi kiniao si da mai.

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.

Salamo 106:4

Ieoba ie, ‘u da nua‘i‘isigu nua‘ole‘ole nina ‘imu tomota ‘edia ‘u e‘ita ‘enega; ‘U da mai ‘eguia ma‘imu ‘etoseana:

Si Apwesa 20:5

Gea‘abo ‘edia ‘u da bwagobwago, nai ‘edia ‘u da guinua: ‘Abo‘agu Ieoba ‘imu Eaubada ‘abo‘agu Eaubada e‘ipi‘ipi ta ‘enega, tamadiao ‘idi to‘umalina ia e‘isa natudiao ‘edia, epata‐tomota ‘etonina ‘enaia ta ‘eatana ‘enaia taudi si guitoasegu ‘edia.

Si Apwesa 3:16

‘U da tauia, ta Iseraela ‘ina ‘inapwanao ‘u da egogonedi, ta ‘edia ‘u da ona, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu ‘i apwesa ‘eguia, ‘i gwaegwae, ‘Abo‘agu ni‘atu ia ‘itemi, ta iage si guinuena ‘emia Aigupito ‘enaia:

Nugana 24:36

Ta Sara ‘igu ‘inapwana mwanena natuna me‘olotona ‘igu ‘inapwana ‘ena ‘i enatunena ‘ena i ‘ewaine sinabwa: ta natunana ‘ena ‘ina iage iauiauna i ‘ebwaena.