Nugana 20:7 - Buki Tabu Lowaenei 1919

⁷ Gete ‘enega tai mwanena ‘u da ‘ilena; tauna paropita ta ‘enega, ta manuio ‘i da ‘awanoi, ta ‘u da bobo‘ana: ta ‘abo nigea u ‘ilena, ‘u da mwaratoni ‘oio ‘u da mwawasa ‘ai‘aila, ‘oio, ta iauiaudi ‘imu tomota.

Nugana 20:7 Referans Kwoze

Salamo 25:14

Ieoba ‘ina nuena ‘i miami taudi si matautena ‘edia; Ta ‘ina ona‘upa‘upa ‘i da e‘itedi.

Loina 6:7

Ta to‐taria ‘i da gienua‘ebweu manuna Ieoba matanaia, ta ‘ina to‘umalina ‘i da kweuna; to‘ase nai ‘i guinua ga ‘enega ‘i to‘umalina leleana.

Loina 6:4

Ga gete ‘i da apwesa, ‘abo ‘i loegesi ni‘atu, ta ‘i to‘umalina, ga iage i ‘ewena oaeiega ‘i da ‘ebwaea limana, nai iage i ‘ewena didigega, nai iage si sa‘u ‘enaia, nai iage si loseena ga ‘i lobena,

Si Apwesa 18:17

Ta Mose bwasiana ‘i ona ‘enaia, Iage ‘u guinua nigea ‘i bobo‘ana.

Si Apwesa 7:1

Ta Ieoba ‘i ona Mose ‘enaia, U ‘ita, ‘oio ia bubumu eaubada ‘e bweuna Parao ‘enaia: ta tasio Aarona ‘i da ‘imu paropita.

Si Apwesa 4:16

Ta tauna ‘i da e ‘imu to onaona tomota ‘edia; ta gete ‘i da apwesa, tauna ‘i da e ‘awa ‘emuia, ta ‘oio ‘u da e Eaubada ‘atua ‘enaia.

Nugana 20:18

Ieoba Abimeleka ‘ina anua ‘ana tomianao gamwadi ni‘atu ‘i giepa‘ara ta ‘enega, Sara Aberaamo mwanena manuna.

Nugana 12:17

Ta Ieoba Parao ta ‘ina anua ‘ana tomianao ‘i unudi muia sinabwadi ‘ediega Sarai Aberamo mwanena manuna.

Nugana 12:15

Ta Parao ‘ina ‘inapwanao si ‘itena, ta Parao ‘ena si tupuna: ta waine si ‘au‘ewena Parao ‘ina anuaia.

Nugana 2:17

ta bobo‘ana be to‘umalina ‘adi ‘ebesinapu ‘ana kaiwe ‘enega, gea‘abo ‘enega u ‘e‘a: asiata ‘enega u ‘enina ‘u da mwawasa ‘ai‘aila ta ‘enega.

Nugana 20:3

Ta Eaubada Abimeleka ‘ena ‘i mai boiboi ‘ana madawarega, ta ‘i eonena, U ‘ita, ‘oio ‘i abe ‘u e tomwawasa, waine nina u ‘au‘ewena manuna: tauna tai mwanena ta ‘enega.

Nugana 20:8

Ta Abimeleka i ‘unuboi, ta ‘ina toguinuao ‘i bwauiedi, ta iage iauiauna getedi tenadi ‘edia ‘i ona: ta tai nidi si matauta sinabwana.

Nugana 23:6

‘U da nonoma, ‘igu ‘inapwana: ‘oio Eaubada ‘ina ‘inapwana gamwagamwanidaia: ‘ima ‘ari‘ari ‘ita‘esi‘esinuena ‘ena ‘imu tokwaia ‘u da sa‘u; nigea ‘e bweu ‘emega ‘emuia ‘ana ‘ari‘ari ‘i da egagarena, ta ‘imu to kwaia ‘u da sa‘u tugai.