Nugana 2:9 - Buki Tabu Lowaenei 1919

⁹ Ta Ieoba Eaubada kaiwe iauna ‘adi ‘ita bobo‘adi, ta ‘e‘ai bobo‘ana bwa‘a ‘enega ‘i gietabwenama; wate iawasida ‘ana kaiwe bagura gamwanaia, ta bobo‘ana ta to‘umalina ‘adi ‘ebesinapu ‘ana kaiwe.

Nugana 2:9 Referans Kwoze

Nugana 3:22

Ta Ieoba ‘i gwae, Wa ‘ita, tai nina ni‘atu ‘abo‘ada ‘atua, bobo‘ana ta to‘umalina ‘i sinapudi; ta gete tuga, nai nimana ‘i da iasitoto, ta iawasina ‘ana kaiwe wate ‘i da ‘ewa, ta ‘i da ‘e‘ai, ta ‘i da bobo‘ana ‘ataia:

Nugana 3:3

ta kaiwe bagura gamwanaia uana, Eaubada ni‘atu ‘i gwae, Gea‘abo ‘enega wa da ‘e‘ai, ta gea‘abo wa gitoo, nai wa mwawamwawasa.

Nugana 2:17

ta bobo‘ana be to‘umalina ‘adi ‘ebesinapu ‘ana kaiwe ‘enega, gea‘abo ‘enega u ‘e‘a: asiata ‘enega u ‘enina ‘u da mwawasa ‘ai‘aila ta ‘enega.

Isaia 47:10

‘Imu bubuna to‘umali ‘ena u ‘emisa ta ‘enega: ‘u gwae, Nigea ‘e bweu i ‘itegu; ‘imu sinasinapu ta ‘imu mwaramwaratoni, tauna ‘i gieboko‘emu: ta ‘atemuia ‘u gwae, ‘Abo‘agu taugu, ta nigea wate ‘agu eruamo.

Isaia 44:25

Tauna toonakabokabo ‘adi we‘iwe‘i‘iaia i ‘etobodedi, ta to‐obaoba ‘adi euwauwa ‘i sa‘u; tauna tai sinasinapu ‘i giesana‘iledi, ta ‘idi mwaratoni ‘i gieuwauwa:

Nugana 3:24

Ga tai ‘i pa‘ina; ta bagura Edena matana bomatu ‘ena Tierubima ‘i sa‘udi, ta sisi‐saia ‘i sabesabelulu esena iauiauna ‘edia, be iawasina ‘ana kaiwe ‘ana ‘eda ‘i da ‘ita‘ita‘i‘isi.

Nugana 3:5

Eaubada ‘i mwaratoni ta ‘enega ‘aene asiata ‘enega wa ‘e‘ani, ga matami ‘i da ‘esasa, ta wa da Eaubada ‘atua, bobo‘ana be to‘umalina wa da sinapudi.