Nugana 2:19 - Buki Tabu Lowaenei 1919

¹⁹ Ta bwa‘a ‘enega Ieoba Eaubada bomitawa iauna ‘i mweruruidi, mwatui manuidi iauna ta; ta tai ‘ena ‘i me‘edi be ‘i da ‘ita nai to‘ase ‘i da eesedi: ta to‘ase nai tai iage mwerumweruruina iauna ‘i eesedi, tauna ‘ana esana.

Nugana 2:19 Referans Kwoze

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 9:2

Ta ‘ami matauta ta ‘ami ‘atesa‘ara bare‘u ‘ina bomitawa iauna ‘edia ‘i da miami, mwatui manuina iauna ‘edia be; iage iauiauna ‘ediega bwa‘a ‘i maamaa, ta ora ianina iauiauna ma‘ediao, nimami ‘ena ia tagwaredi.

Nugana 6:20

Manua ‘ediega adelidi nadigega, iobai adelidi nadigega, bwa‘a ‘ina iage lookawaridi iauna ‘enega adelina nadigega, iage ‘e bweuna ‘e bweuna ‘e rua ‘emuia si da mai, be ‘u da ‘ita‘i‘isidi be si da bobo‘ana.